సంబంధిత వార్తలు
తెలంగాణ వార్తలు
రేపే ఇద్దరు తెరాస ఎమ్మెల్సీల ప్రమాణస్వీకారం
తెలంగాణ శాసన మండలిలో పట్టభద్రుల నియోజకవర్గాల నుంచి కొత్తగా ఎన్నికైన ఇద్దరు ఎమ్మెల్సీలు సురభి వాణిదేవి, పల్లా రాజేశ్వర్ రెడ్డిల చేత శాసనమండలి చైర్మన్ ఈనెల 26న ప్రమాణం చేయించనున్నారు. కరోనా నేపధ్యంలో అతి కొద్దిమంది సమక్షంలో ఈ కార్యక్రమం జరగనుంది.
సురభి వాణి దేవి తెరాస అభ్యర్థిగా మహబూబ్ నగర్-రంగారెడ్డి-హైదరాబాద్ పట్టభద్రుల స్థానం నుంచి పోటీ చేసి బిజెపి అభ్యర్థి ఎన్. రామచంద్రరావుపై గెలుపొంది మొదటిసారిగా శాసనమండలిలో అడుగుపెట్టనున్నారు.
పల్లా రాజేశ్వర్ రెడ్డి తెరాస అభ్యర్థిగా నల్లగొండ-వరంగల్-ఖమ్మం పట్టభద్రుల స్థానం నుంచి పోటీ చేసి గెలుపొంది శాసనమండలిలో రెండోసారి అడుగుపెట్టనున్నారు.
