తెలంగాణ వార్తలు

దక్షిణమధ్య రైల్వే జనరల్ మేనేజర్ గజానన్ మాల్యా సికింద్రాబాద్‌లోని రైల్‌నిలయంలో మీడియాతో మాట్లాడుతూ, “కేంద్ర ప్రభుత్వం ఈసారి బడ్జెట్‌లో తెలంగాణ రాష్ట్రానికి భారీగా నిధులు కేటాయించింది. మౌలికవసతుల కల్పనకు రూ.6,846 కోట్లు, బైపాస్, డబ్లింగ్ పనులకు రూ.3,836 కోట్లు, నడికుడి-శ్రీకాళహస్తి మద్య కొత్త ప్రాజెక్టుకు రూ. 1198 కోట్లు, భద్రాచలం-సత్తుపల్లి మద్య కొత్త రైల్వే లైన్ ఏర్పాటుకు రూ. 520 కోట్లు, కాజీపేట-బళ్లార్షా మద్య 3వ లైన్ ఏర్పాటుకు రూ. 483 కోట్లు, మునీరాబాద్- మహబూబ్‌నగర్‌ మద్య కొత్త లైన్ ఏర్పాటుకు రూ. 240 కోట్లు, మనోహరాబాద్-కొత్తపల్లి మద్య కొత్త రైల్వేలైను కోసం రూ.235 కోట్లు, ఎంఎంటిఎస్ 2వ దశ పనులకు రూ. 40 కోట్లు, విశాఖ రైల్వే జోన్‌కు 140 కోట్లు కేటాయింపులు జరిగాయి.      

ఇప్పటికే కొన్ని ప్రధాన నగరాల మద్య ప్రైవేట్ రైళ్లు నడుస్తున్నాయి. ఈ ఆర్ధిక సం.లో ఆంధ్రా-తెలంగాణ రాష్ట్రాలలో మరో 11 ప్రైవేట్ రైళ్లు ప్రారంభించే అవకాశం ఉందని గజానన్ మాల్యా తెలిపారు. 

చర్లపల్లి-వారణాసి, చర్లపల్లి-పర్వేలి, చర్లపల్లి-శాలిమార్, చర్లపల్లి-చెన్నయ్, లింగంపల్లి-తిరుపతి, లింగంపల్లి-గుంటూరు, సికింద్రాబాద్-గౌహతి విజయవాడ-విశాఖపట్టణం, ఔరంగబాద్-పన్వెలి మద్య ప్రైవేట్ రైళ్ళు ప్రారంభం కావచ్చునని తెలిపారు.