సంబంధిత వార్తలు
తెలంగాణ వార్తలు
మరొక ఏడాదిపాటు రైతుకు భీమా
తెలంగాణ ప్రభుత్వం ప్రతిష్టాత్మకంగా ప్రవేశపెట్టిన రైతు భీమా పధకాన్ని వచ్చే ఏడాది ఆగస్ట్ 13వరకు పొడిగిస్తూ రాష్ట్ర వ్యవసాయశాఖ బుదవారం ఉత్తర్వులు జారీ చేసింది. ప్రస్తుతం 31.10 లక్షల మంది రైతులకు ఈ పధకాన్ని వర్తింపజేస్తోంది. దీని కోసం రాష్ట్ర ప్రభుత్వం ఒక్కో రైతుకు ఏడాదికి రూ.3013.50 చొప్పున జీఎస్టీ, స్టాంప్ డ్యూటీలతో కలిపి మొత్తం రూ.934.19 కోట్లు ప్రీమియం ఎల్ఐసీ సంస్థకు చెల్లిస్తోంది. ఏ కారణం చేత రైతు చనిపోయినా అతను లేదా ఆమె కుటుంబానికి 10 రోజులలోపుగా ఎల్ఐసీ సంస్థ రూ.5 లక్షలు భీమా మొత్తాన్ని అందజేస్తోంది. దీని వలన ఆ రైతు కుటుంబం రోడ్డున పడకుండా కాపాడబడుతుంది. ఈ పధకం ప్రారంభించినప్పటి నుంచి కనుక రైతులకు ఇది చాలా మేలు కలిగించే పధకమే. దీనివలన రాష్ట్ర ప్రభుత్వంపై ఏటా ఆర్ధికభారం పెరుగుతున్నప్పటికీ, రైతుల సంక్షేమం కోసం ప్రభుత్వం ఆ భారాన్ని భరించడానికి సిద్దపడుతోంది.
