సంబంధిత వార్తలు
టాలీవుడ్ వార్తలు
తేడా సింగ్ కాదు జై బాలయ్య ఫిక్స్..!
నందమూరి నట సింహం బాలకృష్ణ, డేరింగ్ అండ్ డ్యాషింగ్ డైరక్టర్ పూరి జగన్నాధ్ కాంబినేషన్ లో వస్తున్న సినిమా ప్రస్తుతం సెట్స్ మీద ఉంది. బాలయ్య డాన్ గా కనిపించబోతున్న ఈ సినిమా టైటిల్ విషయంలో ఫుల్ కన్ ఫ్యూజన్ ఏర్పడింది. పూరి టైటిల్స్ వెరైటీగా ఉంటాయి ఆ క్రమంలో ఈ సినిమాకు తేడా సింగ్ అని టైటిల్ ప్రచారంలో ఉంది. అయితే ఈ టైటిల్ పై ఫ్యాన్స్ నుండి నెగటివ్ కామెంట్స్ రావడంతో ఆ టైటిల్ వద్దని అనుకుంటున్నారు చిత్రయూనిట్.
ఇక సెకండ్ ప్రిఫరెన్స్ గా జై బాలయ్య అని పెట్టాలనే ఆలోచనలో ఉన్నారట. ఫ్యాన్స్ ఈ టైటిల్ అయితే ఫుల్ ఖుషి అయ్యే అవకాశం ఉంది. వి.ఆనంద్ ప్రసాద్ నిర్మిస్తున్న ఈ సినిమాకు అనూప్ రూబెన్స్ మ్యూజిక్ అందిస్తుండగా శ్రీయా హీరోయిన్ గా నటిస్తుంది. శాతకర్ణి తర్వాత బాలయ్య నటిస్తున్న ఈ సినిమాపై భారీ అంచనాలే ఉన్నాయి. మరి ఆ అంచనాలను అందుకునేలా సినిమా ఉంటుందో లేదో చూడాలి.
