సంబంధిత వార్తలు
టాలీవుడ్ వార్తలు
ప్రీ రిలీజ్ బిజినెస్ లో పవర్ స్టార్ హవా..!
స్టార్ హీరో సినిమా ఎలా ఉన్నా సరే ప్రీ రిలీజ్ బిజినెస్ మాత్రం అదరగొట్టడం ఖాయం. ఇక పవర్ స్టార్ పవన్ కళ్యాణ్ సినిమా ప్రీ రిలీజ్ బిజినెస్ అయితే ఓ రేంజ్ లో ఉంటుంది. రీసెంట్ గా కాటమరాయుడుతో ఫ్యాన్స్ ను నిరాశ పరచిన పవన్ కళ్యాణ్ ప్రస్తుతం త్రివిక్రం శ్రీనివాస్ డైరక్షన్ లో సినిమా చేస్తున్నాడు. హారిక అండ్ హాసిని క్రియేషన్స్ పతాకంలో కె.రాధాకృష్ణ ఈ సినిమాను నిర్మిస్తున్నారు.
జల్సా, అత్తారింటికి దారేది సినిమాల తర్వాత ముచ్చటగా మూడోసారి ఈ కాంబినేషన్ లో సినిమా వస్తుంది. సినిమా బడ్జెట్ 100 కోట్లు ఉంటుందని తెలుస్తుండగా సినిమా బిజినెస్ కూడా ఇప్పటికే 94 కోట్ల దాకా జరిగిందట. ఇంకా కొన్ని ఏరియాల్లో బిజినెస్ క్లోజ్ అవలేదని టాక్. సెప్టెంబర్ లో రిలీజ్ అవనున్న ఈ సినిమాపై అంచనాలు తారాస్థాయిలో ఉన్నాయి. కీర్తి సురేష్, అను ఇమ్మాన్యుయెల్ హీరోయిన్స్ గా నటిస్తున్న ఈ సినిమాకు అనిరుధ్ రవిచంద్రన్ మ్యూజిక్ అందిస్తున్నాడు.
