సంబంధిత వార్తలు
టాలీవుడ్ వార్తలు
తమన్నా ఛాన్స్ పట్టేసిన లావణ్య..!
అందాల రాక్షసిగా తెలుగు తెర మీద అందం అభినయంతో ఆకట్టుకుంటున్న లావణ్య త్రిపాఠి ప్రస్తుతం టాలీవుడ్ నుండి కోలీవుడ్ వైపు కూడా వెళ్లాలని చూస్తుంది. ఇక్కడ వరుస సినిమాలను చేస్తున్నా స్టార్ ఇమేజ్ మాత్రం సంపాదించలేదు అమ్మడు. అందుకే ఓ రీమేక్ తో కోలీవుడ్ ఎంట్రీ ఇస్తుందని తెలుస్తుంది.
తెలుగులో సూపర్ హిట్ అయిన 100% లవ్ సినిమా తమిళ రీమేక్ లో జివి ప్రకాశ్ పక్కన ఛాన్స్ దక్కించుకుంది లావణ్య త్రిపాఠి. తెలుగులో దట్ ఈజ్ మహాలక్ష్మి అంటూ ఆ సినిమాతో ఓ రేంజ్ క్రేజ్ తెచ్చుకున్న తమన్నా నటించగా కోలీవుడ్ లో కూడా ముందు ఆమెనే హీరోయిన్ గా తీసుకునే ప్రయత్నాలు చేశారట. కారణాలు తెలియకున్నా తమిళ 100 % లవ్ కు తమన్నా గ్రీన్ సిగ్నల్ ఇవ్వలేదట. అలా తమన్నా దగ్గర నుండి ఆ ఛాన్స్ లావణ్యకు దక్కింది. మరి కోలీవుడ్ లో అమ్మడి ఫేట్ ఎలా ఉండబోతుందో చూడాలి.
