సంబంధిత వార్తలు
టాలీవుడ్ వార్తలు
అక్కడ ఖైది హృతిక్..?
మురుగదాస్ డైరక్షన్ లో వచ్చిన తమిళ సినిమా కత్తి ఎంతటి ఘన విజయం సాధించిందో తెలిసిందే. అదే సినిమా తెలుగులో ఖైది నంబర్ 150గా తీసి మెగాస్టార్ కూడా సూపర్ హిట్ అందుకున్నారు. ఇప్పుడు ఈ సినిమా హిందిలోకి తీసుకెళ్లాలని ప్రయత్నాలు చేస్తున్నాడట మురుగదాస్. బాలీవుడ్ కత్తి తన డైరక్షన్ లోనే చేయాలని చూస్తున్నాడట. మొదట సల్మాన్ ఖాన్, అక్షయ్ కుమార్ లతో ఈ సినిమా చేయాలనుకున్నా కుదరకపోవడంతో హృతిక్ రోషన్ ను ఫైనల్ చేశారట.
ప్రస్తుతం మహేష్ తో సినిమా చేస్తున్న మురుగదాస్ ఆ సినిమా పూర్తి కాగానే బాలీవుడ్ కత్తి రీమేక్ చేస్తాడని టాక్. ఇక మహేష్ మూవీ కూడా తెలుగు తమిళ భాషల్లో తెరకెక్కుతుంది. మహేష్ ఇంటెలిజెన్స్ ఆఫీసర్ గా కనిపించబోయే ఈ సినిమా జూన్ 23న రిలీజ్ చేసే ఆలోచనలో ఉన్నారు చిత్రయూనిట్. సినిమా షూటింగ్ అప్డేట్స్ ఓకే కాని టీజర్ ఫస్ట్ లుక్ మాత్రం ఇప్పటి దాకా రిలీజ్ చేయలేదు.
