టాలీవుడ్ వార్తలు

అందం అభినయం సరిగా ఉన్నా సరే హీరోయిన్స్ కు లక్ తోడుంటేనే సక్సెస్ వచ్చేది. చేస్తున్న సినిమా ఎంత పెద్దదైనా సరే తామెంత పర్ఫెక్ట్ గా చేసినా సరే అది సూపర్ హిట్ అయితేనే తప్ప ప్రేక్షకులు గుర్తించరు. ఈ విషయంపై తనకు తానుగా ఓ నిర్ణయానికి వచ్చింది బ్యూటిఫుల్ హీరోయిన్ పూజా హెగ్దే. మోడల్ గా ఉన్న తను కోలీవుడ్ లో జీవా మాస్క్ సినిమాతో హీరోయిన్ గా పరిచయమైంది. 

ఆ తర్వాత తెలుగులో ముకుంద, ఒక లైలా కోసం చేసిన అమ్మడు అవి అంతగా ప్రజాదరణ పొందక పోయినా బాలీవుడ్ హ్యాండ్సం హీరో హృతిక్ రోషన్ మొహెంజోదారో సినిమాలో అవకాశం దక్కించుకుంది. ఎన్నో భారీ అంచనాల నడుమ రిలీజ్ అయిన ఆ సినిమా కూడా అమ్మడికి నిరాశే మిగిల్చింది. అందుకే తన సినిమా పరాభవాలను గుర్తు చేసుకుని రోజుకి ఓ పావుగంట బాధపడుతుందట పూజా. ప్రస్తుతం ఈ క్రేజీ భామ స్టైలిష్ స్టార్ అల్లు అర్జున్ హరీష్ శంకర్ కాంబినేషన్ లో వస్తున్న దువ్వాడ జగన్నాథం సినిమాలో నటిస్తుంది. మరి బన్ని అయినా హిట్ ఇచ్చి అమ్మడి ఫేట్ మారుస్తాడేమో చూడాలి.