సంబంధిత వార్తలు
టాలీవుడ్ వార్తలు
జయకృష్ణ తొలి సినిమా పేరు శ్రీనివాస మంగాపురం
సూపర్ స్టార్ మహేష్ బాబు సోదరుడు స్వర్గీయ రమేష్ బాబు కుమారుడు జయకృష్ణ ఘట్టమనేని టాలీవుడ్లో హీరోగా ఎంట్రీ ఇవ్వబోతున్న సంగతి తెలిసిందే.
అజయ్ భూపతి దర్శకత్వంలో తెరకెక్కించబోతున్న ఈ సినిమాకి ‘శ్రీనివాస మంగాపురం’ అనే పేరు ఖరారు చేశారు. ఫస్ట్ లుక్ పోస్టర్లో ఇది తిరుపతి పట్టణంలో ఓ ప్రేమ కధ అంటూ సినిమా కధ క్లుప్తంగా చెపుతూ ఏడుకొండలు చిత్ర పటం వేశారు. తిరుపతి పట్టణంలో కధ కనుక ‘శ్రీనివాస మంగాపురం’ పేరు చక్కగా సరిపోతుంది.
ఈ సినిమాలో జయకృష్ణకు జోడీగా ప్రముఖ నటి రవీనా టండన్ కుమార్తె రష తడాని నటిస్తున్నారు. ఈ సినిమాకి సంగీతం: జీవీ ప్రకాష్ కుమార్ అందించబోతున్నారు. వైజయంతీ మూవీస్ అధినేత అశ్వినీ దత్ సమర్పణలో చందమామ కథలు పిక్చర్స్ ఎల్ఎల్పీ బ్యానర్పై జెమినీ కిరణ్ ఈ సినిమా నిర్మిస్తున్నారు. త్వరలోనే ఈ సినిమా టైటిల్ ప్రకటించారు కనుక త్వరలోనే ఇతర నటీనటులు, సాంకేతిక నిపుణుల వివరాలు ప్రకటించనున్నారు.
