సంబంధిత వార్తలు
టాలీవుడ్ వార్తలు
విశ్వక్ సేన్ ఫంకీ రిలీజ్ వాయిదా!
‘జాతి రత్నాలు’ దర్శకుడు అనుదీప్ దర్శకత్వంలో విశ్వక్ సేన్ చేస్తున్న ‘ఫంకీ’ వచ్చే నెల 25న క్రిస్మస్ పండగకు విడుదల కావలసి ఉండగా అనివార్య కారణాల వలన 2027, ఏప్రిల్ 3కి వాయిదా పడింది.
ఈ సినిమాలో విశ్వక్ సేన్ ఓ సినీ దర్శకుడుగా నటిస్తుండగా, హీరోయిన్ కాయడు లోహర్ ఆ సినీ నిర్మాతగా నటిస్తున్నారు.
నిర్మాత, దర్శకుడు ప్రేమలో పడి, ఇద్దరూ కీచులాడుకుంటూ సినిమా తీస్తే ఎలా ఉంటుందో, ఆ కామెడీకి, రోమాన్స్ ఎలా ఉంటుందో కొన్ని రోజుల క్రితం విడుదల చేసిన టీజర్ చూస్తేనే అర్ధమైంది. కనుక ఈ సినిమాపై భారీ అంచనాలే ఉన్నాయి.
ఈ సినిమాకు కధ, దర్శకత్వం: అనుదీప్, సంగీతం: భీమ్స్ సీసీరిలియో, కెమెరా: సురేష్ సంగం, ఎడిటింగ్: నవీన్ నూలి చేస్తున్నారు.
శ్రీకర స్టూడియోస్ సమర్పణలో సితారా ఎంటర్టైన్మెంట్స్, ఫార్చ్యూన్ ఫోర్ సినిమాస్ బ్యానర్లపై నాగవంశీ ఫంకీ నిర్మిస్తున్నారు. 2027, ఏప్రిల్ 3న ప్రపంచవ్యాప్తంగా విడుదల కాబోతోంది.
