టాలీవుడ్ వార్తలు

మహేష్ బాపు దర్శకత్వంలో రామ్ పోతినేని, భాగ్యశ్రీ బోరే జంటగా నటిస్తున్న ‘ఆంధ్రా కింగ్‌ తాలూకా’ సినిమా కోసం హీరో రామ్ పోతినేని వ్రాసిన పాటని సంగీత దర్శకుడు అనిరుద్ పాడారు. ఇటీవల విడుదలైన ఆ పాటకు మంచి ఆదరణ లభించింది. 

ఈరోజు వినాయక చవితి సందర్భంగా ప్రజలకు శుభాకాంక్షలు తెలియజేస్తూ ఓ పోస్టర్‌ వేశారు. నదిలో పడవపై తలకింద చేతులు పెట్టుకొని చిర్నవ్వులు చిందిస్తున్న రామ్ పోతినేని పోస్టర్‌ చాలా సింపుల్‌గా బాగుంది. 

1970-80ల కాలంలో హీరోల అభిమానులు ఏవిదంగా ఉండేవారో తెలియజేస్తూ సాగే ఓ అభిమాని బయోపిక్ ఇది అని దర్శకుడు మహేష్ బాపు ముందే చెప్పేశారు..

ఈ సినిమాలో రామ్ పోతినేని, భాగ్యశ్రీ బోరే, ఉపేంద్ర, రావు రమేష్, మురళీ శర్మ, సత్య, రాహుల్ రామకృష్ణ, విటీవీ గణేష్ తదితరులు ముఖ్య పాత్రలు చేస్తున్నారు.

ఈ సినిమాకు కధ, దర్శకత్వం, స్క్రీన్ ప్లే: మహేష్ బాబు బాపు, పాటలు: రామ్ మిరియాల, కార్తీక్ సంగీతం: వివేక్, మెర్విన్, కెమెరా: సిద్ధార్థ్ నుని, ఎడిటింగ్: శ్రీకర్ ప్రసాద్ చేస్తున్నారు.  

మైత్రీ మూవీ మేకర్స్ బ్యానర్‌పై నవీన్ ఎర్నేని, రవిశంకర్ కలసి నిర్మిస్తున్న ఈ సినిమా నవంబర్‌ 28న ప్రపంచవ్యాప్తంగా విడుదల కాబోతోంది.