టాలీవుడ్ వార్తలు

ఘట్టమనేని కార్తీక్ దర్శకత్వంలో తేజ సజ్జా హీరోగా తెరకెక్కుతున్న ‘మిరాయ్‌’ వచ్చే నెల 12న విడుదల కాబోతోంది. సూపర్ హిట్ మూవీ హనుమాన్ తర్వాత తేజా సజ్జా చేస్తున్న ఈ సైన్స్ ఫిక్షన్ సినిమాపై భారీ అంచనాలున్నాయి. కనుక ట్రైలర్‌తో ఈ సినిమా ఎలా ఉండబోతోందో తెలియవచ్చు. ఈ నెల 25న ట్రైలర్‌ విడుదల చేయబోతున్నట్లు సోషల్ మీడియాలో తెలియజేస్తూ, సూపర్ యోధగా నటిస్తున్న హీరో తేజా సజ్జా, విలన్‌గా నటిస్తున్న మంచు మనోజ్ ఇద్దరూ పోరాడుతున్న పోస్టర్‌ ఒకటి పెట్టారు.        

ఈ సినిమాలో రీతికా నాయక్ తేజ సజ్జకు జోడీగా నటిస్తుండగా మంచు మనోజ్ దుష్టశక్తుల నాయకుడుగా నటిస్తున్నాడు. జగపతిబాబు, శ్రీయ శరణ్, జయరాం, రాజేంద్రనాధ్ జుట్శీ, పవన్ చోప్రా, తాంజ కెల్లర్ తదితరులు ముఖ్య పాత్రలు చేస్తున్నారు.  

ప్రపంచాన్ని నాశనం చేసేందుకు ప్రయత్నిస్తున్న ఓ దుష్టశక్తిని ‘మిరాయ్’ అనే అతీతశక్తులు కలిగిన ఓ ఆయుధంతో ‘సూపర్ యోధ’ ఏవిదంగా అడ్డుకుంటాడనేది ఈ సినిమా కధ. 

ఈ సినిమాకి దర్శకత్వం, కెమెరా: కార్తీక్ ఘట్టమనేని, సంగీతం: గౌర హరి, ఆర్ట్: శ్రీ నాగేంద్ర తంగెల చేస్తున్నారు. 

మిరాయ్ సినిమాని సుమారు రూ.200 కోట్ల బడ్జెట్‌తో పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్ నిర్మిస్తున్నారు. దీనిని తెలుగు, తమిళ్, కన్నడం మలయాళం, బెంగాలీ, మరాఠీ, చైనీస్ భాషల్లో 2డి, 3డి ఫార్మాట్‌లో నిర్మిస్తున్న మిరాయ్ వచ్చే నెల 12న ప్రపంచవ్యాప్తంగా విడుదల కాబోతోంది.