టాలీవుడ్ వార్తలు

మెగాస్టార్ చిరంజీవి అభిమానులు ఎన్నో రోజుల నుంచి ఓ శుభవార్త కోసం ఆత్రుత్రగా ఎదురుచూస్తున్నారు అదే... విశ్వంభర టీజర్‌... సినిమా రిలీజ్ డేట్! ఈరోజు ఉదయం 9.09 గంటలకు మెగాబ్లాస్ట్ అని యూవీ క్రియేషన్స్ ప్రకటించింది. అంటే మరికొన్ని నిమిషాలలోనేనన్న మాట! 

చిరంజీవి శ్రీదేవి జంటగా చేసిన ‘జగదేకవీరుడు అతిలోక సుందరి’సూపర్ హిట్ సోషియో ఫ్యాంటసీ సినిమా తర్వాత చేస్తున్న అటువంటి సినిమా ఇది. కనుక దీనిపై చాలా భారీ అంచనాలే ఉన్నాయి.  

మల్లాది వశిష్ట దర్శకత్వంలో చిరంజీవి, త్రిష జంటగా చేస్తున్న ‘విశ్వంభర’లో ఆషికా రంగనాథ్, కునాల్ కపూర్, సురభి పురాణిక్, ఇషా చావ్లా, శుభలేఖ సుధాకర్, రావు రమేష్, రాజీవ్ కనాకాలం సౌరవ్ లోకేష్ నటిస్తున్నారు. బాలీవుడ్‌ బ్యూటీ మౌనీరాయ్‌, చిరంజీవి చేసిన ప్రత్యేక గీతంతో ఇటీవలే ఈ సినిమా షూటింగ్‌ పూర్తయింది.  

దర్శకుడు మల్లాది విశిష్ట ఇటీవల హైదరాబాద్‌లో మీడియాతో మాట్లాడుతూ, “ఈ విశ్వంలో స్వర్గలోకం, యమలోకం, భూలోకం, పాతాళలోకం వంటివి మొత్తం 14 లోకాలున్నాయని మన పురాణాలు చెపుతాయి. వాటిలో ఏడు లోకాలు పైన, ఏడు లోకాలు కింద ఉంటాయి. వాటన్నిటికీ మూలం బ్రహ్మదేవుడు ఉండే సత్యలోకం. విశ్వంభర కధ అక్కడే జరుగుతుంది. మా హీరో శివ శంకర వరప్రసాద్ ఆ సత్యలోకానికి ఏవిదంగా చేరుకుంటాడు?అక్కడి నుంచి హీరోయిన్‌ని ఏవిదంగా తిరిగి భూలోకానికి తెచ్చుకుంటాడనేది విశ్వంభర కధ,” అని చెప్పారు.    

ఈ సినిమాకు కధ, దర్శకత్వం: మల్లాది వశిష్ట, డైలాగ్స్: సాయి మోహన్ బుర్రా, సంగీతం: కీరవాణి, కెమెరా: మ్యాన్ ఛోటా కె నాయుడు, ఎడిటింగ్: కోటగిరి వేంకటేశ్వర రావు అందిస్తున్నారు. 

యూవీ క్రియేషన్స్ బ్యానర్‌పై వంశీ కృష్ణ రెడ్డి, ప్రమోద్ ఉప్పలపాటి కలిసి రూ.200 కోట్ల భారీ బడ్జెట్‌తో విశ్వంభరని పాన్ ఇండియా మూవీగా 5 భాషల్లో తెరకెక్కిస్తున్నారు.