సంబంధిత వార్తలు
టాలీవుడ్ వార్తలు
పరదా వెనుక పాట.. యత్ర నార్యస్థు..
మలయాళ భామ అనుపమ పరమేశ్వరన్‌ ప్రధాన పాత్ర చేస్తున్న ‘పరదా’ సినిమా నుంచి యత్ర నార్యస్థు.. అంటూ సాగే లిరికల్ వీడియో సాంగ్ ఈరోజు విడుదల చేశారు. వనమాలి వ్రాసిన ఈ పాటకి గోపీ సుందర్ సంగీతం అందించి స్వరపరచగా అనురాగ్ కులకర్ణి పాడారు.
ప్రవీణ్ కాండరేగుల దర్శకత్వంలో తీస్తున్న ఈ సినిమాలో మూఢాచారాలకు బలైన సుబ్బు అనే ఓ పల్లెటూరి పిల్లగా అనుపమ నటించింది. దర్శన్ రాజేంద్రన్, సంగీత తదితరులు ఈ సినిమాలో ముఖ్య పాత్రలు చేశారు.
ఈ సినిమాకు సంగీతం: గోపీ సుందర్, కెమెరా: మృధుల్ సుజీత్ సేన్‌, ఆర్ట్: శ్రీనివాస్ కాళింగ, ఎడిటింగ్: ధర్మేంద్ర కాకర్ల చేశారు.
ఆనంద్ మీడియా బ్యానర్‌పై విజయ్ డొంకాడ, శ్రీనివాసులు పీవీ, శ్రీధర్ మక్కువ కలిసి నిర్మించిన ఈ సినిమా ఆగస్ట్ 22న విడుదల కాబోతోంది.
