టాలీవుడ్ వార్తలు

పవర్ స్టార్ పవన్ కళ్యాణ్‌  ప్రధాన పాత్రలో ‘హరిహర వీరమల్లు’ ఈ నెల 12న విడుదల కావలసి ఉండగా అనివార్య కారణాల వలన చివరి నిమిషంలో వాయిదా పడింది. జూలై 24తేదీన విడుదల చేయబోతున్నట్లు దర్శకుడు జ్యోతి కృష్ణ తెలియజేస్తూ సోషల్ మీడియాలో పవన్ కళ్యాణ్‌ కొత్త పోస్టర్ పెట్టారు. ఇప్పటికే పలుమార్లు సినిమా వాయిదా పడినందున ఈసారి ఎట్టి పరిస్థితులలో జూలై 24న విడుదలవడం ఖాయమే అని భావించవచ్చు.  

హరిహర వీరమల్లులో బాలీవుడ్‌ నటులు బాబీ డియోల్, అనుపమ్ ఖేర్, జాక్విలిన్ ఫెర్నాండస్, అర్జున్ రాంపాల్, విక్రమ్ జీత్, జిష్ణుసేన్ గుప్తా, నోరాహి ఫతేహి, దక్షిణాది నుంచి ఆదిత్య మీనన్, శుభలేఖ సుధాకర్, పూజిత పొన్నాడ తదితరులు ముఖ్య పాత్రలు చేశారు. 

క్రిష్ దర్శకత్వంలో హరిహర వీరమల్లుని మొదలుపెట్టగా జ్యోతీ కృష్ణ దర్శకత్వంలో పూర్తి చేస్తున్నారు. 

ఈ సినిమాకి కధ, దర్శకత్వం, స్క్రీన్ ప్లే: క్రిష్, జ్యోతి కృష్ణ, సంగీతం: ఎంఎం కీరవాణి, పాటలు: స్వర్గీయ సిరివెన్నెల సీతారామశాస్త్రి, చంద్రబోస్, కెమెరా: జ్ఞానశేఖర్, ఎడిటింగ్: శ్రవణ్, ఫైట్స్: రామ్-లక్ష్మణ్, శామ్ కౌశల్, దిలీప్ సుబ్బరాయన్. 

మెగా సూర్య ప్రొడక్షన్స్ బ్యాననర్‌లో ఏఎం రత్నం భారీ బడ్జెట్‌తో పాన్ ఇండియా మూవీగా తెలుగు, తమిళ్, కన్నడ, మలయాళం, హిందీ భాషల్లో నిర్మించారు.