సంబంధిత వార్తలు
టాలీవుడ్ వార్తలు
ట్రాన్స్ ఆఫ్ కుబేర ఆదివారం విడుదల
శేఖర్ కమ్ముల దర్శకత్వంలో నాగార్జున, ధనుష్, రష్మిక మందన ప్రధాన పాత్రలు చేసిన ‘కుబేర’ జూన్ 20న విడుదల కాబోతోంది. ట్రాన్స్ ఆఫ్ కుబేర (టీజర్) రేపు ఆదివారం విడుదల చేయబోతున్నట్లు ప్రకటిస్తూ ఓ అందమైన పెయింటింగ్ వంటి చక్కటి పోస్టర్ విడుదల చేశారు.
ఈ సినిమాలో నాగార్జున కోటీశ్వరుడుగా, ధనుష్ ఓ బిచ్చగాడిగా నటిస్తున్నారు. వారిద్దరితో రష్మిక పాత్రకి సంబంధం ఏమిటో రేపు టీజర్‌లో చెపుతారేమో?
ఈ సినిమాలో ధనుష్, నాగార్జున, రష్మిక మందన, జిమ్ సరబ్ తదితరులు ముఖ్యపాత్రలు చేస్తున్నారు. కుబేరకి కధ: శేఖర్ కమ్ముల, చైతన్య పింగళి, దర్శకత్వం: శేఖర్ కమ్ముల, సంగీతం: దేవి శ్రీప్రసాద్, కెమెరా: నికేత్ బొమ్మి చేస్తున్నారు.
శ్రీ వేంకటేశ్వర సినిమాస్, ఎల్ఎల్పి అమిగోస్ క్రియెషన్స్ ప్రైవేట్ లిమిటెడ్ బ్యానర్లపై సునీల్ నారంగ్, పుస్కుర్ రాంమోహన్ రావు కలిసి ఈ సినిమాని 5 భాషల్లో పాన్ ఇండియా మూవీగా నిర్మిస్తున్నారు.
