టాలీవుడ్ వార్తలు

ప్రదీప్ చిలుకూరి దర్శకత్వంలో కళ్యాణ్ రామ్, విజయశాంతి ప్రధాన పాత్రలలో ‘అర్జున్‌ సన్ ఆఫ్ వైజయంతి’ పోస్ట్ ప్రొడక్షన్ పనులు శరవేగంగా సాగుతున్నాయి. ఇంకా సినిమా రిలీజ్‌ డేట్ ప్రకటించలేదు. కానీ అప్పుడే సెన్సార్ సర్టిఫికెట్ వచ్చేసింది. సెన్సార్ బోర్డ్ ఈ సినిమాకు యూ/ఏ సర్టిఫికెట్ ఇచ్చింది. సినిమా రన్ టైమ్ 2.24 నిమిషాలు. సినిమా క్లైమాక్స్‌లో ఎవరూ ఊహించలేని ఓ ఆశ్చర్యకరమైన ముగింపు ఉందట!      

ఈ సినిమాలో విజయశాంతి పవర్ ఫుల్ పోలీస్ ఆఫీసర్‌ వైజయంతీ పాత్ర చేయగా ఆమె కుమారుడు అర్జున్‌గా కళ్యాణ్ రామ్ నటించారు. శ్రీకాంత్, సాయి మంజ్రేకర్, సొహైల్ ఖాన్ తదితరులు ముఖ్య పాత్రలు చేశారు.

ఈ సినిమాకు కధ, దర్శకత్వం: ప్రదీప్ చిలుకూరి, సంగీతం అజనీష్ లోక్‌నాధ్, కెమెరా: రామ్ ప్రసాద్, ఎడిటింగ్: తమ్మిరాజు చేశారు.

ఎన్టీఆర్‌ ఆర్ట్స్, అశోకా క్రియేషన్స్ బ్యానర్లపై ముప్పా వెంకయ్య చౌదరి, సునీల్ బులుసు కలిసి నిర్మిస్తున్న ఈ సినిమాని వేసవి సెలవుల్లో విడుదల చేస్తామని చెప్తున్నారు కనుక మే నెలలో విడుదల చేసే అవకాశం ఉంది.