సంబంధిత వార్తలు
టాలీవుడ్ వార్తలు
ఓ భామ అయ్యో రామ.. టైటిల్‌ సాంగ్‌ అవుట్
రామ్ గోదాల దర్శకత్వంలో సుహాస్, మాళవిక మనోజ్ జోడీగా చేసిన ‘ఓ భామ అయ్యో రామా’ సినిమా నుంచి టైటిల్‌ సాంగ్‌ విడుదలైంది. శ్రీ హర్ష ఈమని వ్రాసిన ఈ పాటకు రాధన్ స్వరపరిచి సంగీతం అందించగా, శరత్ సంతోష్ ఆలపించారు. ఈ పాటకు మొయిన్ మాస్టర్ కొరియోగ్రఫీ చేశారు.
ఇప్పటికే ఈ సినిమా టీజర్‌ విడుదలైంది. ఇప్పుడు ఈ పాట విడుదల చేశారు. ఈ వేసవిలో సినిమా విడుదల చేస్తామని మరోసారి చెప్పారు.
ఈ సినిమాలో అనిత హంస నందిని, అలీ, రవీందర్ విజయ్, బబ్లూ పృధ్వీరాజ్, ప్రభాస్‌ శ్రీను, రాఘు కారుమంచి, మోయిన్, సాత్విక్ ఆనంద్, నాయని పావని తదితరులు ముఖ్య పాత్రలు చేశారు.
ఈ సినిమాకు సంగీతం: రధన్, కెమెరా: మణికందన్, ఆర్ట్: బ్రహ్మ కడలి చేశారు. రొమాంటిక్, ఫ్యామిలీ ఎంటర్‌టైనర్‌గా తెరకెక్కిస్తున్న ఈ సినిమాని వి ఆర్ట్స్ బ్యానర్‌పై హరీష్ శంకర్‌ నల్లా, ప్రదీప్ తాళ్ళు కలిసి నిర్మిస్తున్నారు.
