టాలీవుడ్ వార్తలు

శైలేష్ కొలను దర్శకత్వంలో ‘హిట్’ సిరీస్‌లో భాగంగా నాని హీరోగా తీస్తున్న హిట్-3 నుంచి ఈ నెల 24న తొలిపాట విడుదల కాబోతోంది. ‘ప్రేమ వెల్లువ..’ అంటూ సాగే ఈపాటకి సంబందించి నాని, హీరోయిన్ శ్రీనిధి శెట్టిలతో ఓ చక్కటి పోస్టర్ విడుదల చేశారు. 

ఈ సినిమాలో నాని చాలా కరుకుగా వ్యవహరించే అర్జున్ సర్కార్ అనే పోలీస్ ఆఫీసర్‌గా నటిస్తున్నారు. ఇటీవలే విడుదలైన ఈ సినిమా టీజర్‌ చూస్తే పక్కింటి అబ్బాయిగా పరిచయం అయిన నాని యాక్షన్ హీరోగా మారుతున్నట్లనిపిస్తుంది.    

ఈ సినిమాలో రావు రమేష్, బ్రహ్మాజీ, అడవి శేష్, సూర్య శ్రీనివాస్, ఆదిల్ పాల, మాగంటి శ్రీనాధ్ తదితరులు ముఖ్య పాత్రలు చేస్తున్నారు. 

ఈ సినిమాకి కధ, దర్శకత్వం: శైలేష్ కొలను, సంగీతం: మిక్కీ జె మేయర్, కెమెరా: సను జాన్ వర్గీస్, ఎడిటింగ్: కార్తీక శ్రీనివాస్ చేస్తున్నారు.

వాల్ పోస్టర్ సినిమా, యూనానిమస్ ప్రొడక్షన్స్ బ్యానర్లపై నాని, ప్రశాంత్ తీపిర్నేని కలిసి ఈ సినిమా నిర్మిస్తున్నారు. ఈ సినిమా 2025, మే 1వ తేదీన విడుదల కాబోతోంది.