టాలీవుడ్ వార్తలు

వికీ కౌశల్, రష్మిక మందన  ప్రధాన పాత్రలలో  లక్ష్మణ్ ఉటేకర్ దర్శకత్వంలో వచ్చిన హిందీ సినిమా ‘చావా’పై తొలుత విమర్శలు వచ్చినప్పటికీ సూపర్ హిట్ అయ్యింది. మరాఠా యోధుడు ఛత్రపతి శివాజీ కుమారుడు శంభాజీ జీవితగాధ ఆధారంగా పాన్ ఇండియా మూవీగా 5 భాషల్లో ఈ సినిమా విడుదల చేయగా అన్ని భాషలలొ సూపర్ హిట్ అయ్యింది. కలెక్షన్స్‌ కనకవర్షం కురిపిస్తోంది.

సినిమా విడుదలకు ముందు అభ్యంతరాలు చెప్పినవారే ఇప్పుడు చావా మహాద్భుతంగా ఉందని పొగుడుతున్నారంటే ఈ సినిమా ఏ స్థాయిలో హిట్ అయ్యిందో అర్ధం చేసుకోవచ్చు. 

ఈ సినిమాలో అత్యంత క్లిష్టమైన సన్నివేశం బుర్హాన్ పూర్ కోటపై మారాఠా యోధులు దాడి చేయడం. సుమారు ఏడు వందలమంది, 150 గుర్రాలతో యుద్ధ సన్నివేశం చిత్రీకరించారు. సినీ నిర్మాణ సంస్థ ఆ మేకింగ్ వీడియో విడుదల చేసింది. అది చూసినప్పుడు ఈ సినిమా తీయడానికి ఎంతగా శ్రమించారో అర్దమవుతుంది. 

ఈ సినిమాలో వికీ కౌశల్, రష్మిక మందన, అక్షయ్ కుమార్‌, అశుతోష్ రాణా, సంతోష్ జువెకర్, దివ్య దత్త, వినీత్ కుమార్‌ సింగ్, డయానా పెంటి తదితరులు ముఖ్య పాత్రలు చేశారు.

మాడ్ డాక్ ఫిలిమ్స్ సమర్పణలో దినేష్ విజన్ ఈ సినిమా నిర్మించారు.