సంబంధిత వార్తలు
టాలీవుడ్ వార్తలు
జాతీయ అవార్డు కోసం ఎదురుచూస్తున్నా: సాయి పల్లవి
తెలుగు సినీ పరిశ్రమలో అత్యుత్తమ నటీమణులలో సాయి పల్లవి కూడా ఒకరని అందరూ అంగీకరిస్తారు. ఇటీవల విడుదలైన తండేల్ సినిమాలో ఆమె నటన ఇందుకు తాజా నిదర్శనం. ఏనాటికైనా ఉత్తమ నటిగా జాతీయ అవార్డు అందుకోవాలని ఎదురుచూస్తున్నానని సాయి పల్లవి చెప్పారు. ఆ అవార్డుతో ముడిపడున్న ఓ సెంటిమెంట్ గురించి ఆమె చెప్పారు.
తాను సినిమాలలో ప్రవేశించక మునుపు తన బామ్మ తనకో పట్టుచీర కానుకగా ఇచ్చి పెళ్ళిరోజున కట్టుకోమని కోరారని కానీ పెళ్ళికి ఇంకా సమయం ఉన్నందున జాతీయ అవార్డు లభిస్తే, బామ్మ ఇచ్చిన పట్టుచీర కట్టుకొని ఆ కార్యక్రమంలో పాల్గొనాలని అనుకుంటున్నానని సాయి పల్లవి చెప్పారు. తద్వారా బామ్మ కోరిక కొంతవరకైనా తీర్చిన్నట్లవుతుందన్నారు.
కనుక ఉత్తమ నటిగా జాతీయ అవార్డు సాధించేందుకు తాను ప్రతీ సినిమాలో మరింత అంకితభావంతో చేస్తున్నానని చెప్పారు. ఉత్తమ నటిగా జాతీయ అవార్డు సాధించే వరకు ఈ సెంటిమెంట్ భారం భరించక తప్పదని సాయి పల్లవి చెప్పారు.
