టాలీవుడ్ వార్తలు

బాలకృష్ణ-బాబీ కొల్లి కాంబినేషన్‌లో జనవరి 12న ‘డాకూ మహరాజ్’ వస్తున్నాడు. ఈ సినిమా ట్రైలర్ విడుదలైంది. ఇటీవల విడుదలైన ‘దబిడి దిబిడి’ ఐటం సాంగ్‌లో ఊర్వశీ రౌతేలా పిరుదులపై బాలకృష్ణ వాయించేశారు.

ఇప్పుడు ట్రైలర్‌లో కూడా బాలయ్య విలన్ గ్యాంగ్‌ని ‘దబిడి దిబిడి’ అన్నట్లు ఉతికేస్తున్న సన్నివేశాలు చూపుతారని అనుకుంటే, దర్శకుడు తెలివిగా విలన్ గ్యాంగ్ ఆరాచకాలు చూపిస్తూ వారిని సరిచేయడానికి బాలయ్య రాబోతున్నట్లు చూపారు. ట్రైలర్‌ చివరిలో ‘ఎవడ్రా నువ్వు?’ అంటే ‘మైఖేల్ జాక్సన్’ అని బాలయ్య సమాధానం  చెప్పడం బాగుంది.

సినిమాలో హీరో శత్రువుల పాలిట డాకూ... నిస్సహాయుల పట్ల మహరాజ్ అన్నట్లు ట్రైలర్‌లో చూపారు. కనుక డాకూ మహరాజ్‌లో భావోద్వేగ సన్నివేశాలు, అలాగే యాక్షన్  సీన్స్ పుష్కలంగా ఉంటాయని ట్రైలర్‌లో చెప్పేశారు.          

ఈ సినిమాలో శ్రద్ద శ్రీనాధ్, ప్రజ్ఞా జైస్వాల్ హీరోయిన్లుగా చేస్తున్నారు. ప్రముఖ బాలీవుడ్‌ నటుడు బాబీ డియోల్ కీలక పాత్ర చేస్తున్నారు. సచిన్ ఖేడెకర్, హిమజ, హర్ష వర్ధన్, చాందినీ చౌదరీ, రీషమా నానయ్య,  తదితరులు ముఖ్యపాత్రలు, ఊర్వశీ రౌతేలా స్పెషల్ సాంగ్‌ చేశారు.    

ఈ సినిమాకు కధ, దర్శకత్వం: బాబీ కొల్లి, స్క్రీన్ ప్లే: కె.చక్రవర్తి రెడ్డి, డైలాగ్స్: భాను, నందు: సంగీతం: తమన్, కెమెరా: విజయ్‌ కార్తీక్ కణ్ణన్, ఎడిటింగ్: నిరంజన్ దేవరమనే, స్టంట్స్‌: వి వెంకట్ చేశారు.    

శ్రీకార స్టూడియోస్ సమర్పణలో సితారా ఎంటర్‌టైన్‌మెంట్స్, ఫార్ట్యూన్ ఫోర్ సినిమాస్, బ్యానర్లపై సూర్యదేవర నాగవంశీ, సాయి సౌజన్య కలిసి నిర్మించారు. జనవరి 12న సంక్రాంతి పండుగకు ముందు డాకూ మహారాజ్ విడుదల కాబోతోంది.