సంబంధిత వార్తలు
టాలీవుడ్ వార్తలు
వెంకటేష్ బ్లాక్ బస్టర్ పొంగల్ మామూలుగా లేదు!
సినిమా హీరోలు అప్పుడప్పుడు తమ సినిమాలలో పాటలు పాది అభిమానులను అలరిస్తుంటారు. విక్టరీ వెంకటేష్ కూడా ‘సంక్రాంతికి వస్తున్నాం’ సినిమాలో ‘బ్లాక్ బస్టర్ పొంగల్...’ అంటూ హుషారైన ఓ పాట పాడారు. అంత అలవోకగా ఆ పాట పాడిన తీరు, ఆయన ఎనర్జీ లెవెల్స్ చూసినప్పుడు ఆయనలో మంచి సింగర్ కూడా ఉన్నాడని స్పష్టమవుతుంది, ‘బ్లాక్ బస్టర్ పొంగల్’ పూర్తి పాట రేపు సోమవారం విడుదలవుతుంది.
SPEAKERS ready chesukondi amma 🔊🔥🥁#BlockbusterPongal Song Promo out now❤️🔥
-- https://t.co/8lIM6cqbcg #SankranthikiVasthunam 3rd single out on December 30th 💥
Music by #BheemsCeciroleo
Lyrics by Saraswathi Puthra @ramjowrites
Vocals by Victory @Venkymama, Bheems,… pic.twitter.com/VGcYWktntM
రామజోగయ్య శాస్త్రి వ్రాసిన ఈ పాటకి భీమ్స్ సిసిరోలియో చక్కగా స్వరపరిచగా విక్టరీ వెంకటేష్ దానిని చాలా అద్భుతంగా పాడారు. ‘నేను పాడతా..’ అంటూ వెంకటేష్ దర్శకుడు అనిల్ రావిపూడి వెంటపడుతున్న స్కిట్ కూడా అందరినీ అలరిస్తుంది.
ఈ ముక్కోణపు క్రైమ్ ధ్రిల్లర్‌లో వెంకటేష్ పోలీస్ ఆఫీసరుగా నటించగా మీనాక్షీ చౌదరి, ఐశ్వర్య రాజేష్ ప్రధాన పాత్రలు చేశారు. రాజేంద్ర ప్రసాద్, సాయి కుమార్, నరేష్, పృధ్వీరాజ్, శ్రీనివాస్ అవసరాల, ఉపేంద్ర లిమాయే, విటీ గణేష్, మురళీధర్ గౌడ్, పమ్మి సాయి, ఆనంద్ రాజ్, సాయి శ్రీనివాస్, మహేష్ బాలరాజ్, ప్రదీప్ కబ్ర, చిట్టి తదితరులు ముఖ్య పాత్రలు చేశారు.
ఈ సినిమాకి కధ, దర్శకత్వం: అనిల్ రావిపూడి, సంగీతం: భీమ్స్ సిసిరోలియో, కెమెరా: సమీర్ రెడ్డి, కొరియోగ్రఫీ: భాను మాష్టర్, ఎడిటింగ్: తమ్మిరాజు, స్టంట్స్: రియల్ సతీష్ చేశారు.
ప్రముఖ నిర్మాత దిల్ రాజు సమర్పణలో శ్రీ వేంకటేశ్వర క్రియెషన్స్ బ్యానర్‌పై శిరీష్ ఈ సినిమాని నిర్మించారు. ఈ సినిమా షూటింగ్‌ దాదాపు పూర్తయింది. డబ్బింగ్ పనులు జోరుగా సాగుతున్నాయి. జనవరి14న సంక్రాంతి పండుగనాడే ఈ సినిమా విడుదల కాబోతోంది.
