టాలీవుడ్ వార్తలు

గాడ్ ఆఫ్ మాసస్ నందమూరి బాలకృష్ణ 109వ సినిమాగా వస్తున్న ‘డాకూ మహరాజ్’ సినిమా నుంచి చిన్నీ చిన్నీ అంటూ సాగే పాట విడుదలైంది.

అనంత్ శ్రీరామ్ వ్రాసిన ఈ పాటని తమన్ స్వరపరచగా విశాల్ మిశ్రా ఆలపించారు. భగవంత్ కేసరి సూపర్ హిట్ అవడంతో ఈ సినిమాలో కూడా మళ్ళీ అటువంటి సెంటిమెంట్‌ ఉందని ఈ పాటతో స్పష్టమైంది. బాలకృష్ణ పాతకాలం నాటి స్కూటర్‌పై తన చిన్నారిని కూర్చోబెట్టుకొని తీసుకువెళుతున్నట్లు పాటలో చూపారు. పాట లిరిక్స్, సంగీతం రెండూ చాలా బాగా కుదిరాయి       

బాబీ కొల్లి దర్శకత్వంలో జనవరి 12 న సంక్రాంతి పండుగకు వస్తున్న డాకూ మహరాజ్ సినిమాలో ప్రముఖ బాలీవుడ్‌ నటుడు బాబీ డియోల్, శ్రద్ద శ్రీనాధ్, ప్రజ్ఞా జైస్వాల్, చాందినీ చౌదరీ తదితరులు ముఖ్యపాత్రలు చేస్తున్నారు. 

ఈ సినిమాకు కధ, దర్శకత్వం: బాబీ కొల్లి, స్క్రీన్ ప్లే: కె.చక్రవర్తి రెడ్డి, డైలాగ్స్: భాను, నందు: సంగీతం: తమన్, కెమెరా: విజయ్‌ కార్తీక్ కణ్ణన్, ఎడిటింగ్: నిరంజన్ దేవరమనే, స్టంట్స్‌: వి వెంకట్ చేస్తున్నారు.   

ఈ సినిమాను శ్రీకార స్టూడియోస్ సమర్పణలో సితారా ఎంటర్‌టైన్‌మెంట్స్, ఫార్ట్యూన్ ఫోర్ సినిమాస్, బ్యానర్లపై సూర్యదేవర నాగవంశీ, సాయి సౌజన్య కలిసి నిర్మిస్తున్నారు.