టాలీవుడ్ వార్తలు

టాలీవుడ్‌ యువహీరో నిఖిల్ కార్తికేయ 1,2 సినిమాలతో యావత్ దేశ ప్రజల దృష్టిని ఆకర్షించి పాన్ ఇండియా హీరోగా ఎదిగాడు. వాటి తర్వాత ‘స్పై’ సినిమాతో మరో హిట్ కొట్టాలనుకున్నాడు కానీ సామాన్య ప్రేక్షకులకు కధ అర్ధంకాకపోవడంతో ఫ్లాప్ అయ్యింది. దాని తర్వాత ప్రస్తుతం స్వయంభూ అనే సినిమా చేస్తున్నాడు.   

భరత్ కృష్ణమాచారి దర్శకత్వంలో తెరకెక్కుతున్న స్వయంభూ సినిమాలో నభా నటేష్ హీరోయిన్‌గా ఎంపికవగా ఆమె గురువారం నుంచి షూటింగ్‌లో పాల్గొంతోంది. ‘స్వయంభూ’లో టీమ్‌లోకి ఆమెకు స్వాగతం అంటూ ఆమె పోస్టర్ విడుదల చేశారు.  ఈ సినిమాలో ఆమె చాలా శక్తివంతమైన పాత్ర చేయబోతుండటంతో ఆమెకు కూడా ప్రత్యేక శిక్షణ ఇస్తున్నారు. స్వయంభూలో సంయుక్త మీనన్ కూడా హీరోయిన్‌గా నటిస్తోంది.   

ఈ సినిమాలో నిఖిల్ ఓ పోరాట యోధుడుగా నటిస్తుండటంతో మార్షల్ ఆర్ట్స్, గుర్రపుస్వారీ, కత్తి యుద్ధంలో శిక్షణ తీసుకున్నాడు. 

పిక్సల్ స్టూడియోస్ బ్యానర్‌పై ఐదు భాషల్లో పాన్ ఇండియా మూవీగా నిర్మిస్తున్న ఈ సినిమాకి నిర్మాతలు: భువన్, శ్రీకర్, సమర్ప్న: టాగూర్ మధు, సంగీతం: రవి బస్రూర్, కెమెరా: మనోజ్ పరమహంస, డైలాగ్స్: వాసుదేవ్ మున్నెప్పగారి.