టాలీవుడ్ వార్తలు

విశ్వక్ సేన్, చాందినీ చౌదరీ ప్రధాన పాత్రలలో ‘గామి’ సినిమా మార్చి 8న ప్రేక్షకుల ముందుకు రాబోతోంది. విధ్యాధర కాగిత దర్శకత్వంలో వస్తున్న ఈ సినిమా నుంచి ఇటీవలే ‘సొమ్మసిల్లిపోయి కూలింది ఈ కాలం... సత్తువంటూ లేక ఇంకెంత కాలం....” అంటూ సాగే లిరికల్ వీడియో సాంగ్‌ విడుదల చేయగా దానికి మంచి స్పందన వస్తోంది.

గురువారం సాయంత్రం 4 గంటల నుంచి హైదరాబాద్‌లోని ప్రసాద్స్ మల్టీ ప్లెక్స్ లో గామి ట్రైలర్‌ విడుదల కార్యక్రమం నిర్వహించబోతున్నామని యూవీ క్రియెషన్స్ ట్వీట్‌ చేసింది. 223 సెకండ్స్ నిడివి ఉండే ఈ అద్భుతమైన ట్రైలర్‌ని ఈరోజు సాయంత్రం 6.03 గంటలకు ప్రేక్షకుల ముందు ఉంచబోతున్నామని ట్వీట్‌లో పేర్కొంది. ఈ కార్యక్రమాన్ని ప్రత్యక్ష ప్రసారాన్ని యూట్యూబులో చూడవచ్చు. 

ఈ సినిమాలో విశ్వక్ సేన్ అఘోరాగా నటిస్తున్నాడు. ‘గామి’లో విశ్వక్ సేన్, ఎమ్జీ అభినయ, మహమ్మద్ సమాద్, దయానంద్ రెడ్డి, హారిక అండ్ హాసినీ క్రియేషన్స్‌ పెద్దాడ, రమ్యా పసుపులేటి, శాంతి రావు, మాయాంక్, జాన్ కూట్లే, బొమ్మ శ్రీధర్, రజినీష్ శర్మ, కెఆర్ ఉన్నికృష్ణ, వెంకట్ రామన్ రావు తదితరులు ముఖ్య పాత్రలు చేశారు. 

ఈ సినిమాకు దర్శకత్వం, స్క్రీన్ ప్లే: విధ్యాధర్ కాగిత, ప్రత్యూష వట్యమ్, సంగీతం: నరేశ్ కుమారన్, కెమెరా: విశ్వనాథ్ రెడ్డి, ఎడిటింగ్: రాఘవేంద్ర తిరుణ్, యాక్షన్ కొరియోగ్రఫీ: వింగ్ చౌన్ అంజి చేశారు. 

వి.సెల్యూలాయిడ్ సమర్పణలో యూవీ క్రియెషన్స్ బ్యానర్‌పై కార్తీక్ శబరీష్ ఈ సినిమాని నిర్మించారు.