సంబంధిత వార్తలు
టాలీవుడ్ వార్తలు
అంబాజీపేట మ్యారేజ్ బ్యాండ్ ట్రైలర్‌ వచ్చేసిందిగా
తెలుగు సినీ పరిశ్రమని, ప్రేక్షకులని చిన్న సినిమాలు మురిపిస్తున్న ఈవేళలో మరో చిన్న లోకల్ సినిమా, ‘అంబాజీపేట మ్యారేజ్ బ్యాండ్’ ఫిబ్రవరి 2న వచ్చేస్తోంది. శ్రీకాకుళం జిల్లాలోని అంబాజీపేటలో జరిగే ఓ ప్రేమ కధతో ఈ సినిమా సిద్దం అవుతోంది.
దుష్యంత్ కటికనేని దర్శకత్వంలో వస్తున్న ఈ సినిమాలో సుహాస్, శివాని జంటగా నటిస్తున్నారు. ఈ సినిమాలో సుహాస్ పాత్ర పేరు మల్లిగాడు. అతను ఓ సెలూన్‌లో పనిచేస్తూ మ్యారేజ్ బ్యాండ్ మేళంలో వాయిద్యకారుడుగా పనిచేస్తుంటాడు.
ఊళ్ళో అమ్మాయితో మల్లిగాడి ప్రేమ, ఆ ప్రేమలో కాస్త కామెడీ, కాస్త రొమాన్స్, ఊళ్ళో గొడవలు, భావోద్వేగాలు అన్నీ ఈరోజు విడుదల చేసిన ట్రైలర్‌లో చూపించేశారు.
అయితే ఇప్పటి వరకు చూసిన ఫస్ట్-లుక్ పోస్టర్‌, టీజర్‌, పాటలు చూసినప్పుడు అంబాజీపేట మ్యారేజ్ బ్యాండ్ మంచి రొమాంటిక్ కామెడీ అనుకుంటే, ట్రైలర్‌ కాస్త సీరియస్ సినిమాయే అని సూచిస్తున్నట్లుంది.
