టాలీవుడ్ వార్తలు

త్రివిక్రమ్ శ్రీనివాస్‌-మహేష్‌ బాబు కాంబినేషన్‌లో ‘గుంటూరు కారం’ సినిమా శుక్రవారం (జనవరి 12)న ప్రపంచవ్యాప్తంగా విడుదల కాబోతోంది. మొన్న సాయంత్రమే గుంటూరులో నిర్వహించిన ఈ సినిమా ప్రీ-రిలీజ్ ఈవెంట్‌కు భారీగా అభిమానులు తరలిరావడం చూస్తే ఈ సినిమా కోసం ఎంత ఆతృతగా ఎదురుచూస్తున్నారో అర్దమవుతుంది.

మరో 24 గంటలలో ఈ సినిమా విడుదల కాబోతుంటే, ఇవాళ్ళ గుంటూరు కారం సినిమా మేకింగ్ వీడియోని కూడా రిలీజ్ చేసారు. అది చూసి మహేష్‌ బాబు అభిమానుల ఆనందానికి అంతే లేదు. వారికి ఒక రోజు ముందే పండగ మొదలైన్నట్లయింది.       

గుంటూరు కారం సినిమా మహేష్ బాబుకి జోడీగా శ్రీలీల, మీనాక్షి చౌదరి నటించారు. ప్రకాష్ రాజ్, రావు రమేష్, రమ్య కృష్ణ, జగపతి బాబు, జయరాం, బ్రహ్మానందం, సునీల్, రఘుబాబు, మహేష్ ఆచంట తదితరులు ముఖ్య పాత్రలు చేశారు. 

ఈ సినిమాను రూ.200 కోట్ల బడ్జెట్‌తో హారిక అండ్ హాసిని క్రియేషన్స్ బ్యానర్‌పై ఎస్.రాధాకృష్ణ నిర్మించారు. ఈ సినిమాకు సంగీతం తమన్, కెమెరా: మనోజ్ పరమహంస, ఎడిటింగ్: నవీన్ నూలి చేశారు.