టాలీవుడ్ వార్తలు

మళ్ళీ చాలా రోజుల తర్వాత త్రివిక్రమ్ శ్రీనివాస్‌ దర్శకత్వంలో మహేష్‌ బాబు హీరోగా చేస్తున్న ‘గుంటూరు కారం’  సినిమాపై చాలా భారీ అంచనాలే ఉన్నాయి. ఈ సినిమాలో ‘కుర్చీ మడతపెట్టి...’ అంటూ హుషారుగా సాగే లిరికల్ వీడియో సాంగ్ విడుదలైంది. 

రామజోగయ్య శాస్త్రి వ్రాసిన పాటను తమన్ స్వరపరచగా, సాహితి చాగంటి, శ్రీ కృష్ణ చా హుషారుగా పాడారు. ఈ మాస్ బీట్ సాంగ్‌కు మహేష్‌ బాబు, శ్రీలీల చేసిన డ్యాన్స్ ఇంకా బాగుంది. పాట, సంగీతం, డ్యాన్స్ మూడు సరిగ్గా కుదిరినందున ఈ పాట తప్పకుండా అభిమానులకు నచ్చుతుంది.

మహేష్ బాబు, శ్రీలీల, మీనాక్షి చౌదరి ప్రధాన పాత్రలలో నటిస్తున్న ఈ సినిమాలో ప్రకాష్ రాజ్, రావు రమేష్, రమ్య కృష్ణ, జగపతి బాబు, జయరాం, బ్రహ్మానందం, సునీల్, రఘుబాబు, మహేష్ ఆచంట తదితరులు ముఖ్య పాత్రలు చేస్తున్నారు. 

ఈ సినిమాను రూ.200 కోట్ల బడ్జెట్‌తో హారిక అండ్ హాసిని క్రియేషన్స్ బ్యానర్‌పై ఎస్.రాధాకృష్ణ నిర్మిస్తున్నారు. ఈ సినిమాకు సంగీతం తమన్, కెమెరా: మనోజ్ పరమహంస, ఎడిటింగ్: నవీన్ నూలి చేస్తున్నారు. జనవరి 12న సంక్రాంతి పండుగ సందర్భంగా ఈ సినిమా విడుదల కాబోతోంది.