సంబంధిత వార్తలు
టాలీవుడ్ వార్తలు
గౌతమి విషయంపై కమల్ స్పందన
13 ఏళ్లుగా కలిసి ఉంటున్న కమల్ హాసన్ గౌతమిలు విడిపోయారని అందరికి తెలిసిందే. కమల్ నుండి దూరంగా వెళ్తున్నా అంటూ గౌతమి అధికారికంగా వెళ్లడించడమే కాకుండా కమల్ గురించి ప్రత్యేకంగా తన అభిప్రాయాలను తెలియచేసింది. అయితే ఈ విషయం పట్ల కమల్ కూడా వెంటనే స్పందించడం జరిగింది. గౌతమి తనకు ఇష్టమొచ్చిన నిర్ణయం తీసుకునే స్వేచ్చ ఉంది. ఈ విషయంలో తన ఫీలింగ్స్ తో పని ఏం లేదు అని అన్నాడు.
గౌతమి, సుబ్బు (గౌతమి కూతురు) ఎక్కడ ఉన్నా సంతోషంగా ఉండాలని కోరుకుంటానని. ఏ సమయంలో ఎలాంటి అవసరం వచ్చిన వారికి తాను అండగా ఉంటానని అన్నారు కమల్. గౌతమి కూతురు సుబ్బలక్ష్మి కూడా తనకు శృతి, అక్షరలతో సమానం అని.. ప్రపంచంలో అత్యంత అదృష్టవంతుడని తానేనని మెసేజ్ చేశారు కమల్ హాసన్. విడిపోతున్న ఈ ఇద్దరు తమ తమ అభిప్రాయాలను బయటపెట్టిన విధానం చూస్తుంటే లోపల ఒకరంటే ఒకరికి అభిమానం ఉన్నా పరిస్థితుల వల్ల దూరంగా ఉండాల్సి వస్తుంది అన్నట్టు కనబడుతుంది.
