టాలీవుడ్ వార్తలు

ఈరోజు దసరా పండుగ సందర్భంగా మెగాస్టార్ చిరంజీవి 16వ చిత్రానికి సంబందించి పోస్టర్ విడుదల చేశారు. మొదట తన కుమార్తె సుష్మిత నిర్మించబోతున్న సినిమా మొదలుపెట్టాలని అనుకొన్నారు. కానీ దాని కంటే ముందు బింబిసార దర్శకుడు మల్లాది వశిష్ట దర్శకత్వంలో ఓ సోషియో ఫాంటసీ సినిమా మొదలుపెట్టాలని నిర్ణయించుకోవడంతో ఈ సినిమాయే చిరంజీవి 156వ సినిమా కాబోతోంది. కనుక ఈరోజు దసరా పండుగ సందర్భంగా ‘మెగా 156’ వర్కింగ్ టైటిల్‌తో ఈ సినిమా పోస్టర్ విడుదల చేసింది.  

నేడు దసరా పండుగ సందర్భంగా మెగా156 సినిమా ముహూర్తపు షాట్‌కు ప్రముఖ దర్శకుడు కె. రాఘవేంద్రరావు క్లాప్ కొట్టి లాంఛనంగా సినిమాని ప్రారంభించారు. పాటల రికార్డింగ్ కార్యక్రమంతో లాంఛనంగా మొదలుపెట్టిన్నట్లు ఈ సినిమాని నిర్మిస్తున్న యూవీ క్రియేషన్స్ తెలియజేసింది. 

కీరవాణి మాట్లాడుతూ “ఒకప్పుడు సినిమాలను పాటల రికార్డింగ్‌తో ప్రారంభించే ఆనవాయితీ ఉండేది. ఈ సినిమాతో మళ్ళీ ఆ విధానాన్ని పునః ప్రారంభిస్తున్నాము. ముందుగా సెలబ్రేషన్ సాంగ్‌తో పూజా కార్యక్రమాలు నిర్వహించి సినిమా పనులు మొదలుపెడుతున్నాము. ఈ సినిమాలో మొత్తం ఆరు పాటలుంటాయి,” అని చెప్పారు. 

ఈ సినిమాకు కధ, దర్శకత్వం: మల్లాది వశిష్ట, డైలాగ్స్: సాయి మోహన్ బుర్రా,  కెమెరా: మ్యాన్ ఛోటా కె నాయుడు, సంగీతం: ఎంఎం కీరవాణి, ఎడిటింగ్: కోటగిరి వేంకటేశ్వర రావు అందిస్తున్నారు. 

యూవీ క్రియేషన్స్ బేనర్‌పై వంశీ, విక్రమ్, ప్రమోద్ కలిసి నిర్మించబోతున్న ఈ సినిమాలో చిరంజీవికి జోడీగా మృణాళిని ఠాకూర్‌ నటించబోతున్నట్లు సమాచారం.