టాలీవుడ్ వార్తలు

నాగ్ అశ్విన్ దర్శకత్వంలో ప్రభాస్, దీపికా పడుకొనే, దిశా పటానీ హీరో హీరోయిన్లుగా తెరకెక్కుతున్న కల్కి ఏడి 2898 సినిమాలో బాలీవుడ్‌ ప్రముఖ నటుడు అమితాబ్ బచ్చన్ కూడా ఓ కీలకపాత్ర చేస్తున్న సంగతి తెలిసిందే.

ఈరోజు ఆయన పుట్టినరోజు సందర్భంగా శుభాకాంక్షలు తెలియజేస్తూ వైజయంతీ మూవీస్ ఓ పోస్టర్ ఒకటి విడుదల చేసింది. దానిలో ఆయన ఓ సాధువు రూపంలో చేతిలో ఓ కర్ర పట్టుకొని కొండ గుహ మద్య నిలబడిన్నట్లు చూపారు. ఈ సినిమాలో కమల్ హాసన్, పశుపతి, శాశ్వత చటర్జీ తదితరులు ముఖ్య పాత్రలు చేస్తున్నారు. 

ఈ సినిమాకు కధ, దర్శకత్వం: నాగ్ అశ్విన్, డైలాగ్స్: సాయి మాధవ్ బుర్రా,  సంగీతం: సంతోష్ నారాయణన్, కెమెరా: జోర్‌డ్జీ స్టోజిల్‌జెకోవిక్, ఎడిటింగ్: కోటగిరి వేంకటేశ్వర రావు అందిస్తున్నారు.   

రూ.600 కోట్ల బారీ బడ్జెట్‌తో ప్రముఖ సినీ నిర్మాణ సంస్థ వైజయంతీ మూవీస్‌ బ్యానర్‌పై సి. అశ్వినీ దత్ పాన్ ఇండియా మూవీగా నిర్మిస్తున్నారు. ఈ సినిమా జనవరి 12న ప్రపంచవ్యాప్తంగా విడుదల కాబోతోంది.