సంబంధిత వార్తలు
టాలీవుడ్ వార్తలు
భగవంత్ కేసరి నుంచి గణేశ్ ఏంథమ్ లిరికల్ వీడియో సాంగ్‌
నందమూరి బాలకృష్ణ, కాజల్ అగర్వాల్ జంటగా వస్తున్న భగవంత్ కేసరి సినిమా నుంచి చిచ్చా వచ్చిండు... అంటూ సాగే గణేశ్ ఏంథమ్ లిరికల్ వీడియో సాంగ్‌ విడుదలైంది.
ఈ సినిమాలో బాలకృష్ణ కూతురుగా శ్రీలీల నటిస్తోంది. ఈ సినిమాని తండ్రీకూతుర్ల సెంటిమెంట్‌తో అనిల్ రావిపూడి తెరకెక్కిస్తున్నారు. కాసర్ల శ్యామ్ వ్రాసిన ఈ పాటను తమన్ స్వరపరచగా కరీముల్లా, మనీషా పాండ్రంకి చాలా హుషారుగా పాడారు. దానికి బాలకృష్ణ, ఆయన కూతురుగా నటిస్తున్న శ్రీలీల అద్భుతంగా డ్యాన్స్ చేశారు. ఈ పాట, డ్యాన్స్ ఈ సినిమాకు హైలైట్‌గా నిలువబోతున్నాయి.
ఈ సినిమాలో అర్జున్ రాంపాల్, ప్రియాంకా జవల్కర్ ముఖ్యపాత్రలు చేస్తున్నారు. షైన్ స్క్రీన్ బ్యానర్‌పై సాహు గారపాటి, హరీష్ పెద్ది నిర్మిస్తున్న ఈ సినిమా అక్టోబర్ 19న దసరా పండుగకి ముందు విడుదలకాబోతోంది. ఈ సినిమాకు సంగీతం: ధమన్, కెమెరా: సి.రాంప్రసాద్, స్టంట్స్: వి వెంకట్, ఎడిటింగ్: వి తమ్మిరాజు చేస్తున్నారు.
