టాలీవుడ్ వార్తలు

ఇటీవల కొత్త దర్శకులు, కొత్తకొత్త కధలతో తక్కువ బడ్జెట్‌లో సినిమాలు చేస్తూ ప్రేక్షకులను అలరిస్తున్నారు. అటువంటిదే జూన్ 30న విడుదల కాబోతున్న ‘నారాయణ అండ్ కో’ సినిమా కూడా. చిన్నా పాపిశెట్టి దర్శకత్వంలో తెర కెక్కించిన ఈ సినిమా పూర్తి కామెడీ చిత్రమని ఈరోజు విడుదలైన ట్రైలర్‌ చూస్తే అర్దమవుతుంది.

ఈ సినిమాలో కోమాకుల సుధాకర్ హీరోగా నటించాడు. సప్తగిరి, తోటపల్లి మధు, రాగిణి, ఆమని, రామచంద్రపు శివ, దేవిశ్రీ ప్రసాద్, ఆరతి పోడి, యామినీ, పూజా కిరణ్ తదితరులు ముఖ్యపాత్రలు చేశారు. 

ఈ సినిమాకు దర్శకత్వం, స్క్రీన్ ప్లే: చిన్న పాపిశెట్టి, కధ: రాష్ట్ర వ్యాప్తంగా గోలి, కెమెరా: రాహుల్ శ్రీవాత్సవ, సంగీతం: కమ్రాన్, డాక్టర్ జోస్యభట్ల శర్మ, నాగ వంశీ, సురేశ్ బొబ్బిలి, కొరియోగ్రఫీ: విజయ్‌ పోలాకి, మోహన్ కృష్ణ, ఎడిటింగ్: సృజన అడుసుమిల్లి  చేశారు. 

పాపిశెట్టి ఫిలిమ్ ప్రొడక్షన్స్ మరియు సుక మీడియా బ్యానర్లపై సుధాకర్ కోమాకుల, పాపిశెట్టి బ్రదర్స్ నిర్మించారు.