సంబంధిత వార్తలు
టాలీవుడ్ వార్తలు
కృష్ణకి నివాళిగా... నేడు తెలుగు సినీ పరిశ్రమ బంద్
ప్రముఖ నటుడు, దర్శకుడు, నిర్మాత, పద్మాలయా స్టూడియో వ్యవస్థాపకుడు కృష్ణ మృతికి సంతాపంగా నేడు తెలుగు సినీ పరిశ్రమలో అన్ని కార్యక్రమాలు నిలిపివేసి శ్రద్ధాంజలి ఘటిస్తుంది. తెలుగు చలన చిత్ర నిర్మాతల మండలి ఈ మేరకు ప్రెస్‌నోట్‌ విడుదల చేసింది. కుటుంబ సభ్యులు ఆయన భౌతికకాయాన్ని ఈరోజు ఉదయం 9 గంటలకు పద్మాలయా స్టూడియోకి తరలిస్తారు. మధ్యాహ్నం 12 గంటలకు అక్కడి నుంచే ఆయన అంతిమయాత్ర మొదలవుతుంది. సాయంత్రం 4 గంటలకు జూబ్లీహిల్స్‌లోని మహాప్రస్థానంలో సూపర్ స్టార్ కృష్ణ అంత్యక్రియలు అధికారిక లాంఛనాలతో జరుగనున్నాయి.
ఆంధ్రప్రదేశ్‌ ముఖ్యమంత్రి జగన్మోహన్ రెడ్డి ఈరోజు ఉదయం హైదరాబాద్‌ చేరుకొని పద్మాలయా స్టూడియోలో కృష్ణకు నివాళులు ఆర్పిస్తారు. అనంతరం కృష్ణ కుటుంబ సభ్యులను పరామర్శిస్తారు.
