టాలీవుడ్ వార్తలు

మ్యాన్లీ హీరో గోపీచంద్ మళ్లీ వరుస సినిమాలతో సందడి చేస్తున్నాడు. ఇప్పటికే గోపీచంద్ నటించిన సీటీమార్ రిలీజ్ కు రెడీ అవగా మారుతి డైరక్షన్ లో పక్కా కమర్షియల్ టైటిల్ తో ఒక సినిమా వస్తుంది. ఈ రెండు సినిమాలే కాకుండా ఇప్పుడు మరో సినిమా కన్ఫర్మ్ చేశాడు గోపీచంద్. లక్ష్యం, లౌక్యం సినిమాలతో తనకు హిట్లు ఇచ్చిన డైరక్టర్ శ్రీవాస్ తో హ్యాట్రిక్ మూవీ ఫిక్స్ చేసుకున్నాడు గోపీచంద్. ఈ సినిమాకు సంబందించిన అఫీషియల్ ఎనౌన్స్ మెంట్ వచ్చింది. వీరి కాంబోలో హ్యాట్రిక్ మూవీని పీపుల్ మీడియా ఫ్యాక్టరీ నిర్మిస్తుంది.

వరుస సినిమాలైతే చేస్తున్నా ఆశించిన స్థాయిలో ఫలితాలు అందుకోవడంలో వెనకపడ్డ గోపీచంద్ చేస్తున్న ఈ మూడు సినిమాలతో మళ్లీ హిట్ ట్రాక్ లోకి రావాలని చూస్తున్నాడు. సీటీమార్ సంపత్ నంది డైరక్షన్ లో వస్తుంది. కబడ్డీ ఆట నేపథ్యంతో వస్తున్న ఆ సినిమా నుండి వచ్చిన టీజర్ ఆకట్టుకుంది. సినిమాలోని సాంగ్స్ కూడా ప్రేక్షకులను మెప్పించాయి. ఇక మారుతి పక్క కమర్షియల్ సినిమా అయితే పక్కా హిట్ అని చెప్పొచ్చు. జాలీ ఎల్.ఎల్.బి 2 రీమేక్ గా వస్తున్న ఈ సినిమా గోపీచంద్ కు కచ్చితంగా హిట్ ఇస్తుందని చెప్పొచ్చు.