సంబంధిత వార్తలు
టాలీవుడ్ వార్తలు
బన్ని త్రివిక్రం మూవీ టైటిల్ అదేనా..!
స్టైలిష్ స్టార్ అల్లు అర్జున్ హీరోగా త్రివిక్రం డైరక్షన్ లో వస్తున్న సినిమా ప్రస్తుతం సెట్స్ మీద ఉంది. హారిక హాసిని క్రియేషన్స్ తో పాటుగ గీతా ఆర్ట్స్ కూడా ఈ సినిమా నిర్మాణంలో భాగమవుతుంది. పూజా హెగ్దె హీరోయిన్ గా నటిస్తున్న ఈ సినిమాలో సుశాంత్, నివేదా పేతురాజ్ కూడా నటిస్తున్నారని తెలిసిందే. సినిమాలో ఓ ఇంపార్టెంట్ రోల్ లో సీనియర్ హీరోయిన్ టబు కూడా నటిస్తుందని తెలుస్తుంది.
తండ్రి కొడుకుల సెంటిమెంట్ తో వస్తున్న ఈ సినిమాకు టైటిల్ గా నాన్న నేను అని పెట్టబోతున్నారట. ఇప్పటికే ఈ సినిమా టైటిల్ గా అలకనంద, నాన్న నేను ప్రచారంలో ఉండగా ఇప్పుడు నాన్న నేను టైటిల్ ను ఫిక్స్ చేసినట్టు తెలుస్తుంది. జులాయి, సన్నాఫ్ సత్యమూర్తి సినిమాల తర్వాత త్రివిక్రం, అల్లు అర్జున్ హ్యాట్రిక్ మూవీగా ఈ సినిమా వస్తుంది. 2020 సంక్రాంతి టార్గెట్ తో వస్తున్న ఈ సినిమా ఎలాంటి ఫలితాన్ని అందుకుంటుందో చూడాలి.
