సంబంధిత వార్తలు
టాలీవుడ్ వార్తలు
రామ్ కథ అక్కడికి వెళ్తుందా..!
గరుడవేగ సినిమాతో యాంగ్రీ యంగ్ మన్ రాజశేఖర్ కెరియర్ గాడిలో పడేలా చేసిన దర్శకుడు ప్రవీణ్ సత్తారు తన తర్వాత సినిమాగా ఎనర్జిటిక్ స్టార్ రామ్ తో తీయాలని అనుకున్నారు. బడ్జెట్ ప్రాబ్లం వల్ల ఆ సినిమా సెట్స్ మీదకు వెళ్లకుండానే క్యాన్సిల్ అయ్యింది. ప్రవీణ్ అడిగిన బడ్జెట్ ఇవ్వడం కుదరదని చెప్పేసరికి ప్రవీణ్ సత్తారు ఆ ప్రాజెక్ట్ ను ఆపేశాడు.
ఇక ఈ సినిమాను కోలీవుడ్ లో తీయాలని ప్రయత్నాలు మొదలు పెట్టాడట ప్రవీణ్ సత్తారు. కోలీవుడ్ స్టార్ హీరో ధనుష్ తో ఈ సినిమా తీయాలని చూస్తున్నాడట ప్రవీణ్ సత్తారు. ధనుష్ సినిమా అపాయింట్మెంట్ కోసం ప్రవీణ్ వెయిట్ చేస్తున్నాడట. తమిళంతో పాటుగా తెలుగులో ధనుష్ కు ఓ మోస్తారు మార్కెట్ ఉంది. బడ్జెట్ కలిసి వచ్చేలా రెండు భాషల్లో సినిమా తీస్తే బెటర్ అని ప్రవీణ్ సత్తారు రామ్ తో తీయాలనుకున్న సినిమాను ధనుష్ తో తీయాలని ఫిక్స్ అయ్యాడట.
