టాలీవుడ్ వార్తలు

టాలీవుడ్ లో మళ్లీ మల్టీస్టారర్ ట్రెండ్ ఊపందుకుందని చెప్పొచ్చు. సీతమ్మవాకిట్లో సిరిమల్లె చెట్టు తర్వాత కొద్దిగా గ్యాప్ తీసుకున్నా గోపాల గోపాల, ఊపిరి సినిమాలతో తెలుగు ప్రేక్షకులకు మల్టీస్టారర్ అనుభూతిని ఇస్తూనే ఉన్నారు. ఇక ప్రస్తుతం టాలీవుడ్ లో తెరకెక్కే ఓ క్రేజీ మల్టీస్టారర్ పై అందరి దృష్టి ఉంది. అదే కింగ్ నాగార్జున, నాచురల్ స్టార్ నానిలు కలిసి చేస్తున్న సినిమా.

శ్రీరాం ఆదిత్య డైరక్షన్ లో తెరకెక్కబోతున్న ఈ సినిమాలో నాగార్జున డాన్ గా కనిపిస్తారట. ఇక నాని డాక్టర్ గా దర్శనమిస్తాడట. కామెడీ ఎంటర్టైనర్ గా వస్తున్న ఈ సినిమా స్క్రిప్ట్ అద్భుతంగా వచ్చిందట. నాచురల్ నటనతో వరుస హిట్లు కొడుతున్న నాని, నాగార్జునతో కలిసి చేస్తున్న ఈ మల్టీస్టారర్ ఎలా ఉండబోతుందో చూడాలి.  

ఇక నాగార్జున మాత్రం వర్మ డైరక్షన్ లో శపథం త్వరలో పూర్తి చేసి ఈ సినిమాకు డేట్స్ ఇస్తాడట. ఇక ఈ సినిమా తర్వాత కూడా కోలీవుడ్ నటుడు, నిర్మాత, దర్శకుడు ధనుష్ హీరోగా చేస్తున్న సినిమాలో కూడా స్క్రీన్ షేర్ చేసుకుంటున్నట్టు తెలుస్తుంది.