సంబంధిత వార్తలు
తెలంగాణ వార్తలు
నామా నాగేశ్వరరావుపి ఈడీ కేసు నమోదు
బిఆర్ఎస్ ఎంపీ నామా నాగేశ్వరరావుపై ఈడీ మనీలాండరింగ్ కేసులో నేడు కోర్టులో ఛార్జ్ షీట్‌ దాఖలు చేసింది. నామాకు చెందిన మధుకాన్ ప్రాజెక్ట్స్, రాంచి ఎక్స్‌ప్రెస్‌ లిమిటెడ్ కంపెనీలు రాంచీ-జంషెడ్‌పూర్ మద్య నాలుగులేన్ల జాతీయ రహదారి నిర్మాణ కాంట్రాక్ట్ దక్కించుకున్నాయి. దానిని చూపించి బ్యాంకుల నుంచి రూ.1,030 కోట్లు రుణం తీసుకున్నాయి.
కానీ ఆ నిధులలో రూ.365.78 కోట్లు తమ సూట్‌కేసు కంపెనీలకు మళ్లించాయని సీబీఐ ఆరోపించింది. ఆ రెండు కంపెనీలు బ్యాంకు నుంచి రూ.1,030 కోట్లు డబ్బు తీసుకుని వేరే అవసరాలకు వాడుకున్నాయి కానీ ఇంతవరకు హైవే రోడ్ ప్రాజెక్టు పూర్తిచేయలేదు. కనుక ఇది మనీ లాండరింగే అంటూ ఈడీ మరో కేసు నమోదు చేసింది.
ఆ కేసులోనే ఈడీ ఇదివరకు మధుకాన్ కంపెనీలో సోదాలు నిర్వహించి కేసు నమోదు చేసింది. ఆ సంస్థకు చెందిన బ్యాంకులోని రూ.96.21 కోట్లు ఫ్రీజ్ చేయడమే కాకుండా 101 చిర, స్థిరాస్తులను స్వాధీనం చేసుకుంది.
