సంబంధిత వార్తలు
తెలంగాణ వార్తలు
మహబూబాబాద్‌లో కొట్టుకుపోయిన రైల్వే ట్రాక్
తెలంగాణలో కురుస్తున్న భారీ వర్షాలకు వాగులు, వంకలు పొంగిపొర్లుతున్నాయి. మహబూబాబాద్‌ జిల్లా కేంద్రం సమీపంలో కేసముద్రం వద్ద అయోధ్య గ్రామంలో చెరువుకి గండి పడటం వరదనీరు సమీపంలో ఉన్న రైల్వేట్రాక్‌వైపు ఉదృతంగా ప్రవహించాయి. ఆ ధాటికి సుమారు 100-150 అడుగుల పొడవునా రైల్వే ట్రాక్ క్రింద ఉండే కంకర వగైరా కొట్టుకుపోవడంతో రైల్వే ట్రాక్ గాలిలో వ్రేలాడుతోంది. సమాచారం తెలుసుకున్న రైల్వే అధికారులు వెంటనే ఆ మార్గం గుండా ప్రయాణించే విజయవాడ-కాజీపేట రైళ్ళన్నిటినీ నిలిపివేశారు. వరద ప్రవాహం తగ్గితేగానీ రైల్వే ట్రాక్ పునరుద్దరించడం సాధ్యం కాదు కనుక అంతవరకు ఆ మార్గంలో రైళ్ళు రాకపోకలు సాగించలేవు.
విజయవాడ, గుంటూరు నగరాలలో భారీ వర్షాలు పడుతుండటంతో ఆ రెండు రైల్వేస్టేషన్లలో పట్టాలు నీళ్ళలో మునిగిపోయి ఉన్నాయి. కనుక ఇప్పటికే పలు రైళ్ళు రద్దు చేశారు. ఇప్పుడు ఈ మార్గంలో కూడా రైళ్ళు రద్దయ్యాయి.
