సంబంధిత వార్తలు
తెలంగాణ వార్తలు
2.jpg)
ఎమ్మెల్యేల పదవికి ఈటల రేపే రాజీనామా?
మాజీ మంత్రి ఈటల రాజేందర్‌ ఈరోజు ఢిల్లీ నుంచి హైదరాబాద్‌ చేరుకొన్నారు. తాజా సమాచారం ప్రకారం ఆయన శుక్రవారం హైదరాబాద్‌లోని తన నివాసంలో ప్రెస్‌మీట్‌ పెట్టి తన ఎమ్మెల్యే పదవికి రాజీనామా చేస్తున్నట్లు ప్రకటించే అవకాశం ఉంది. ఆ తరువాత తన రాజీనామా లేఖను స్పీకర్ పోచారం శ్రీనివాస్ రెడ్డికి పంపించి శనివారం లేదా ఆదివారం బిజెపిలో చేరబోతున్నట్లు సమాచారం.
ఈటల రాజేందర్‌ బిజెపి పెద్దలను కలిసేందుకు ఢిల్లీ వెళ్ళినప్పుడే ఆయన ఆ పార్టీలో చేరబోతున్నట్లు స్పష్టమైంది. కనుక ఎమ్మెల్యే పదవికి రాజీనామా చేయడం, బిజెపిలో చేరడం ఊహించినదే. కానీ బిజెపిలో చేరిన తరువాత ఆయన టిఆర్ఎస్‌లోని అసంతృప్త నేతలను, ఎమ్మెల్యేలను ఏ మేరకు ఆకర్షించి బిజెపిలోకి రప్పించగలరనేది ఆసక్తికరమైన విషయం లేకుంటే సిఎం కేసీఆర్‌ను విమర్శిస్తూ బిజెపిలో కాలక్షేపం చేస్తున్న డికె.అరుణ, జితేందర్ రెడ్డి, వివేక్ వంటి నేతల జాబితాలో ఈటల రాజేందర్‌ కూడా ఒకరిగా మిగిలిపోతారు.
4.png)