సంబంధిత వార్తలు
తెలంగాణ వార్తలు
తెలంగాణలో లాక్‌డౌన్‌ పొడిగింపు
తెలంగాణలో లాక్‌డౌన్‌ మరో పది రోజులు పొడిగించబడింది. అయితే ఉదయం 10 గంటలకు బదులు మధ్యాహ్నం ఒంటి గంట నుంచి లాక్‌డౌన్‌ మొదలవుతుంది. కనుక రేపటి నుంచి మధ్యాహ్నం ఒంటి గంట వరకు అంటే మరో 3 గంటలు లాక్‌డౌన్‌ సడలించినట్లయింది. మధ్యాహ్నం ఒంటి గంట నుంచే లాక్‌డౌన్‌ మొదలవుతున్నప్పటికీ ఆ తరువాత మరో గంట సేపు ప్రజలు ఇళ్ళు చేరుకొనేందుకు పోలీసులు అనుమతిస్తారు. మధ్యాహ్నం 2 గంటల నుంచి మర్నాడు ఉదయం 6 గంటల వరకు లాక్‌డౌన్‌ ఆంక్షలు కటినంగా అమలుచేస్తారు.
ప్రభుత్వోద్యోగులు, వైద్యులు, ఆసుపత్రి సిబ్బంది, మెడికల్ షాప్స్, ఆక్సిజన్‌ సరఫరా తదితర అత్యవసర సేవలకు లాక్‌డౌన్‌ నుంచి పూర్తి మినహాయింపు ఉంటుంది. లాక్‌డౌన్‌ సమయంలో అత్యవసర పనులపై బయటకు వెళ్ళవలసినవారు తప్పనిసరిగా ఈ-పాస్ తీసుకోవలసి ఉంటుంది.
