సంబంధిత వార్తలు
తెలంగాణ వార్తలు
జూ.డాక్టర్ల సమ్మెపై సిఎం కేసీఆర్‌ స్పందన
రాష్ట్రంలో జూనియర్ డాక్టర్ల సమ్మెపై సిఎం కేసీఆర్‌ సున్నితంగా స్పందించారు. రాష్ట్రంలో కరోనా పరిస్థితులపై ఈరోజు ప్రగతి భవన్‌లో వైద్యాధికారులతో సమీక్షా సమావేశం నిర్వహించిన సిఎం కేసీఆర్‌, “రాష్ట్రం విపత్కర పరిస్థితులను ఎదుర్కొంటున్న ఈ సమయంలో జూ.డాక్టర్లు సమ్మె చేయడం సరికాదు. దీనిని ప్రజలు కూడా హర్షించరు. వారి సమస్యలను పరిష్కరించడానికి ప్రభుత్వం సిద్దంగా ఉంది. కనుక తక్షణం సమ్మె విరమించి విధులలో చేరవలసిందిగా కోరుతున్నాను,” అని చెప్పారు.
ఈ సందర్భంగా జూనియర్ డాక్టర్లతో చర్చించి వారి సమస్యలను పరిష్కరించవలసిందిగా సిఎం కేసీఆర్‌ అధికారులను ఆదేశించారు. సీనియర్ రెసిడెంట్ డాక్టర్ల గౌరవ వేతనం 15 శాతం పెంచాలని సిఎం కేసీఆర్‌ ఆదేశించారు.
