సంబంధిత వార్తలు
తెలంగాణ వార్తలు
తెలంగాణలో సూపర్ స్పైడర్స్ కోసం స్పెషల్ డ్రైవ్
తెలంగాణ రాష్ట్ర ప్రభుత్వం కీలక నిర్ణయం తీసుకుంది. ఈనెల 28 నుంచి సూపర్ స్పైడర్‌ల కోసం ప్రత్యేకమైన వ్యాక్సినేషన్ డ్రైవ్‌ను చేపట్టనున్నారు. సిఎం కేసీఆర్‌ ఆదేశాల మేరకు మంత్రి హరీష్ రావు అధ్యక్షతన మంగళవారం సిఎస్ సోమేష్ కుమార్, ఇతర వైద్య ఆరోగ్యశాఖ ఉన్నతాధికారులతో సమీక్ష సమావేశంలో ఈ నిర్ణయం తీసుకొన్నారు.
గ్యాస్ డెలివరీ బాయ్స్, బస్సు డ్రైవర్లు, కిరాణా, పూలు, పండ్లు, కాయగూరలు, మాంసాహార దుకాణదారులు, రేషన్ డీలర్లు, హమాలీలు, సెలూన్ సిబ్బంది, మద్యం దుకాణాలలో సేల్స్ బాయ్స్, ఆటో డ్రైవర్లు, బస్సు డ్రైవర్లు, క్యాబ్ డ్రైవర్లు మొదలైన వారిని సూపర్ స్పైడర్‌లుగా పరిగణించి వారికి వెంటనే టీకాలు వేయాలని నిర్ణయించారు.
