సంబంధిత వార్తలు
తెలంగాణ వార్తలు
వరంగల్‌ జైల్లో ఆసుపత్రి లేనట్లే...
వరంగల్‌ సెంట్రల్ జైలును కోవిడ్ ఆసుపత్రిగా మార్చాలనే ప్రతిపాదన మళ్ళీ అటకెక్కింది. ఈరోజు సిఎం కేసీఆర్‌ ఎంజీఎం ఆసుపత్రిలో కరోనా రోగులను పరామర్శించి అక్కడి వైద్యులు సిబ్బందితో మాట్లాడిన తరువాత సెంట్రల్ జైలును సందర్శించి స్వయంగా పరిశీలించారు. ఆ జైలు ఆసుపత్రిగా మార్చేందుకు అనుకూలంగా లేదని భావించిన సిఎం కేసీఆర్‌ దానిని మాతాశిశు సంరక్షణా కేంద్రంగా మార్చాలని నిర్ణయించారు. నగర శివార్లలో ఓపెన్ ఎయిర్ జైలు నిర్మించి ఆ జైలును అక్కడికి తరలించాలని నిర్ణయించారు. ఎంజీఎం ఆసుపత్రినే మరింత విస్తరించి సకల సదుపాయాలతో సూపర్ స్పెషల్ హాస్పిటల్‌గా మార్చుతామని సిఎం కేసీఆర్‌ తెలిపారు.
