తెలంగాణ వార్తలు

వచ్చే ఏడాది ఆగస్ట్ 15వ తేదీన భారత్‌ 75వ స్వాతంత్ర్యం దినోత్సవం జరుపుకోనుంది. దానిని అట్టహాసంగా జరుపుకొనేందుకు కేంద్రప్రభుత్వం ఇప్పటి నుంచే సన్నాహాలు ప్రారంభించింది. అందుకోసం కేంద్రప్రభుత్వం ప్రధాని నరేంద్రమోడీ నేతృత్వంలో 259 మంది ప్రముఖులతో కూడిన ఓ భారీ కమిటీని ఏర్పాటు చేసింది. దానిలో గవర్నర్లు, ముఖ్యమంత్రులు,అధికార, ప్రతిపక్ష రాజకీయనాయకులు, న్యాయమూర్తులు, పారిశ్రామికవేత్తలు, కళాకారులు, క్రీడాకారులు, సినీరంగ ప్రముఖులు, త్రివిద దళాధిపతులు తదితరులు ఉన్నారు. ఈ కమిటీకి కేంద్రసాంస్కృతిక మంత్రిత్వ శాఖ కార్యదర్శి రాఘవేంద్ర సింగ్‌ కార్యదర్శిగా వ్యవహరిస్తారు. ఈ కమిటీ తొలి సమావేశం ఈనెల 8వ తేదీన జరుగనుంది.       

ఈ కమిటీలో సభ్యులు: 

• తెలంగాణ సిఎం కేసీఆర్‌, ఏపీ సిఎం జగన్‌మోహన్‌రెడ్డి, టిడిపి అధినేత చంద్రబాబునాయుడు, హిమాచల్ ప్రదేశ్ గవర్నర్‌ బండారు దత్తాత్రేయ, ఎల్‌ కే అద్వానీ, సోనియా గాంధీ, లోక్‌సభ స్పీకర్ ఓంబిర్లా, కేంద్రమంత్రులు తదితరులు. 

• సుప్రీంకోర్టు ప్రధాన న్యాయమూర్తి జస్టిస్ బోబ్డే, మాజీ రాష్ట్రపతి ప్రతిభా పాటిల్, జాతీయ భద్రతా సలహాదారు అజిత్ ధోవల్ తదితరులు. 

• అమితాబ్ బచ్చన్, రజనీకాంత్, ఇళయరాజా, కేజె జేసుదాస్, ఎస్‌ ఎస్‌ రాజమౌళి, ఏఆర్ రెహమాన్, ప్రభుదేవా, లతా మంగేష్కర్ తదితరులు. 

• రామోజీరావు, కృష్ణ ఎల్ల, అమర్త్య సేన్ తదితరులు. 

• పీవీ సింధు, మిథాలీ రాజ్, పుల్లెల గోపీ చంద్ తదితరులున్నారు.