సంబంధిత వార్తలు
తెలంగాణ వార్తలు
.jpg)
మంత్రి కేటీఆర్ సిరిసిల్లా పర్యటనలో స్వల్ప ఉద్రిక్తత
రాష్ట్ర ఐటీశాఖ మంత్రి కేటీఆర్ నిన్న రాజన్న సిరిసిల్లా జిల్లా పర్యటనలో స్వల్ప ఉద్రిక్తత చోటు చేసుకుంది. జిల్లాలోని కోనరావుపేట మండలంలో మంత్రి కేటీఆర్ నిన్న పలు అభివృద్ధి కార్యక్రమాలను ప్రారంభించారు. ఈ సందర్భంగా భాజపా కార్యకర్తలు మంత్రి కేటీఆర్ వాహనశ్రేణిని అడ్డుకునే ప్రయత్నం చేశారు. టిఆర్ఎస్‌ పరకాల ఎమ్మెల్యే చల్లా ధర్మారెడ్డి ఇంటిపై దాడిచేసినందుకు మంత్రి కేటీఆర్ బిజెపిని తీవ్రంగా హెచ్చరించినందుకు నిరసనగా బిజెపి కార్యకర్తలు మంత్రి కేటీఆర్‌ను అడ్డుకొనేందుకు ప్రయత్నించారు. ఈ క్రమంలో భాజపా, తెరాస కార్యకర్తల మధ్య స్వల్ప వాగ్వాదం జరిగింది. అక్కడే ఉన్న పోలీసులు కొంతమంది భాజపా కార్యకర్తలను అదుపులోకి తీసుకొని తరువాత విడిచి పెట్టారు. ఆ ఒక్క ఘటన తప్ప జిల్లాలో కేటీఆర్ పర్యటన సజావుగా సాగింది.
