సంబంధిత వార్తలు
తెలంగాణ వార్తలు
యూపీలో 23 మంది వలస కార్మికులు దుర్మరణం
ఉత్తరప్రదేశ్ రాష్ట్రంలో ఈరోజు ఉదయం ఘోర రోడ్డు ప్రమాదం జరిగింది. వలస కార్మికులను తీసుకువెళుతున్న ఒక ట్రక్ మరో ట్రక్కును డ్డీకొనడంతో 23 మంది వలస కార్మికులు ఘటనాస్థలంలోనే మరణించారు. మరో 30-40 మంది తీవ్రంగా గాయపడినట్లు సమాచారం. ఈ ప్రమాదం శనివారం తెల్లవారుజామున 3.30 గంటలకు యూపీలోని ఔరయా అనే ప్రాంతంలో జరిగింది. బహుశః డ్రైవరు నిద్రమత్తులో ఉన్నందున ఈ ప్రమాదం జరిగి ఉండవచ్చునని పోలీసులు భావిస్తున్నారు. ఈ ఘటనలో గాయపడినవారు, మృతులు రాజస్థాన్ నుంచి వస్తున్నారని వారిలో బిహార్, ఝార్ఖండ్, పశ్చిమ బెంగాల్ రాష్ట్రాలకు చెందినవారున్నారని ఔరయా మేజిస్ట్రేస్ట్ అభిషేక్ సింగ్‌ చెప్పారు. గాయపడినవారినందరినీ సమీపంలో ప్రభుత్వాసుపత్రికి తరలించి చికిత్స అందిస్తున్నామని చెప్పారు. ఈ ఘటనకు సంబందించి పూర్తి వివరాలు ఇంకా తెలియవలసి ఉంది.
