తెలంగాణ వార్తలు

ప్రధాని నరేంద్రమోడీ నేతృత్వంలో ఏర్పడిన కేంద్రమంత్రివర్గంలో మంత్రులుగా నిన్న ప్రమాణస్వీకారాలు చేసినవారందరికీ మంత్రిత్వ శాఖలు కేటాయించబడ్డాయి. వారిలో 25 మంది కేంద్రమంత్రులు, 9 మంది స్వతంత్ర హోదా కలిగిన మంత్రులు, 24 మంది సహాయమంత్రులు ఉన్నారు. అమిత్ షాకు హోంశాఖా మంత్రిగా, సికిందరాబాద్‌ బిజెపి ఎంపీ కిషన్‌రెడ్డికి హోంశాఖ సహాయమంత్రిగా నియమితులయ్యారు.  అమిత్ షాకు ఆర్ధికశాఖ కేటాయించవచ్చునని ఊహాగానాలు వినిపించాయి కానీ నిర్మల సీతారామన్‌కు ఆర్ధికశాఖను కేటాయించారు. గత ప్రభుత్వంలో ఆ శాఖను నిర్వహించిన అరుణ్ జైట్లీ, విదేశాంగశాఖను అద్భుతంగా నిర్వహించి అంతర్జాతీయంగా మంచి పేరు సంపాదించుకొన్న సుష్మా స్వరాజ్ ఇద్దరూ కూడా అనారోగ్య కారణంగా ఈసారి మంత్రివర్గంలో చేరలేదు. విదేశాంగమంత్రిగా సుబ్రహ్మణ్యం జయశంకర్ నియమితులయ్యారు. 

నరేంద్రమోడీ వర్గంలో కేంద్రమంత్రులు వారి శాఖలు ఈవిధంగా ఉన్నాయి: 

1. నరేంద్ర మోదీ: ప్రధానమంత్రి

2. నిర్మలా సీతారామన్ : (ఆర్థిక శాఖ

3. అమిత్‌ షా: హోం శాఖ

4. రాజ్‌నాథ్‌ సింగ్: రక్షణ శాఖ

5. నితిన్‌ గడ్కరీ: రోడ్లు, రవాణా శాఖ, చిన్న, మధ్య తరహా పరిశ్రమలు

6. పీయూష్‌ గోయల్‌: రైల్వే శాఖ

7. ధర్మేంద్ర ప్రధాన్‌: పెట్రోలియం శాఖ 

8. సదానంద గౌడ: ఎరువులు, రసాయన శాఖ

9. డాక్టర్‌ హర్షవర్థన్: వైద్య ఆరోగ్య శాఖ, సైన్స్‌ అండ్‌ టెక్నాలజీ

10 స్మృతి ఇరానీ: మహిళ శిశు సంక్షేమం, జౌళి శాఖ

11. సుబ్రహ్మణ్యం జయశంకర్‌: విదేశాంగ శాఖ

12. రాంవిలాస్‌ పాశ్వాన్‌: వినియోగదారుల వ్యవహారాల శాఖ

13. రవిశంకర్‌ ప్రసాద్‌: న్యాయ శాఖ

14. నరేంద్ర సింగ్‌ తోమర్‌: వ్యవసాయ శాఖ

15. ప్రకాశ్‌ జవదేకర్‌: పర్యావరణ శాఖ, ప్రసార సమాచార శాఖ

16. అరవింద్‌ సావంత్‌: భారీ పరిశ్రమల శాఖ

17. హర్‌సిమ్రత్‌ కౌర్‌ బాదల్‌: ఫుడ్ ప్రాసెసింగ్‌ పరిశ్రమ

18. ప్రహ్లాద్‌ జోషీ: పార్లమెంటరీ వ్యవహారాల శాఖ, బొగ్గు గనుల శాఖ

19. థావర్‌ చంద్‌ గెహ్లాట్‌: సామాజిక న్యాయ శాఖ

20. రమేశ్‌ పోఖ్రియాల్‌: మానవ వనరులు శాఖ

21. అర్జున్‌ ముండా: గిరిజన వ్యవహారాల శాఖ

22. ముఖ్తార్‌ అబ్బాస్‌ నక్వీ: మైనారిటీ వ్యవహారాల శాఖ

23. మహేంద్రనాథ్‌ పాండే: నైపుణ్యాభివృద్ధి శాఖ 

24. గిరిరాజ్‌ సింగ్‌: పాడి, పశుగణాభివృద్ధి

25. గజేంద్ర సింగ్‌ షెకావత్‌: జల శక్తి

సహాయ మంత్రులు (స్వతంత్ర హోదా)

1. సంతోష్ కుమార్ గాంగ్వర్: శ్రామిక, ఉపాధి కల్పన శాఖ

2. ఇంద్రజిత్ సింగ్: ప్రణాళిక, గణాంక శాఖ

3. శ్రీపాద యశో నాయక్: ఆయుష్, డిఫెన్స్ శాఖ సహాయమంత్రి

4. జితేంద్ర సింగ్: సిబ్బంది వ్యవహారాలు, అణు ఇంధన శాఖ, ఈశాన్య రాష్ర్టాల వ్యవహారాలు, పీఎంవో సహాయ మంత్రి

5. కిరణ్ రిజిజు: క్రీడలు, యుజవన, మైనార్టీ వ్యవహారాలు

6. ప్రహ్లాద్ సింగ్ పటేల్: సాంస్కృతిక పర్యాటక శాఖ

7. రాజ్ కుమార్ సింగ్: విద్యుత్, సంప్రదాయేతర విద్యుత్, నైపుణ్యాభివృద్ధి

8. హర్దీప్ సింగ్ పూరి: గృహ నిర్మాణం, విమానయానం, వాణిజ్య పరిశ్రమల శాఖ

9. మన్ సుఖ్ మాండవ్య: షిప్పింగ్, రసాయనాలు, ఎరువులు